eliyéw erdoghanning tughulghan künini tebriklidi

+ türkiye awazi radiyosi xewiri: ezerbeyjan pirézidént mehkimisining bildürüshiche, eliyéw, jumhur reis erdoghanning tughulghan küni munasiwiti bilen yollighan tebrik télégrammisida, türkiyening parawanliqi üchün ishlewatqan xizmetliride erdoghangha muweppeqiyet hem ten salametlikining yaxshi bolushini tiligen.

eliyéw tebrik télégrammisida, türkiyening eng muhim ijtimaiy-iqtisadiy we ilmiy jehettin zor ilgirileshlerni hasil qilip, yer shari xaraktérlik sewiyede musteqil siyasetni yolgha qoyuwatqan bir küch merkizige aylanghanliqini, bu muweppeqiyetlerning jumhur reis erdoghanning kéche – kündüz ishletwatqan xizmetliri hem körsitiwatqan tirishchanliqliri sayisida qolgha keltürülgenlikini eskertish bilen bir waqitta, xelqlerning iradisige we «bir millet, ikki dölet» pirinsipigha asaslinidighan ezerbeyjan – türkiye munasiwetlirining nöwette eng yüksek sewiyede bolushidin özini tolimu shan - shereplik hés qilidighanliqini tekitlep mundaq dégen: «dostluq we qérindashliqqa tayinidighan döletler ara munasiwetlirimizni bu sewiyege yetküzüshte biwasite sizning mislisiz rolingiz bardur, köp yönilishlik munasiwetlirimiz hem istiratégiyelik shériklikimizni yenimu yüksek sewiyege yetküzüsh iradingizning qetiyliki, ezerbeyjanning ebediy zéminlirining ishghaldin azad qilinishi jeryanida qilghan her türlük yardemliringiz, jümlidin, ochuq – ashkara hem qilche ikkilenmestin bergen meniwi we siyasiy yardemliringiz, xelqimizning qizghin alqishigha érishmekte. her sahediki keng kölemlik, ünümlük we aktip hemkarliqimizning, xelqara munasiwetlerde özara ishinish we qollashni asas qilidighan izchil meydanimiz we paaliyetlirimizning, döletlirimizning künséri tereqqiyati we xelqlirimizning parawanliqi üchün dawamliq xizmet qilidighanliqigha ishinimen.»