türk kéngishi yighin chaqiridu

türkiye awazi radiyosi xewiri: türk kéngishi teripidin élan qilinghan yazma bayanatta eskertilishiche, türk kéngishige eza döletler, iqtisad – soda, sehiye, maarip we sayahet qatarliq sahelerge énérgiyenimu ilawe qilidiken. bu dairide, türk kéngishi énérgiye ministirliri, ete tunji qétim tor yighini arqiliq bir yerge jem bolidiken.

türk kéngishining bashliqi ezerbeyjan énérgiye ministiri perwiz shahbazow bilen türk kéngishi bash katipi baghdad amréyéw échilish nutiqi sözleydighan yighinda, türk kéngishi döletlirining énérgiye saheside tashlighusi ortaq qedemliri muhakime qilinidiken.

yighinda, énérgiye hemkarliqining yenimu yüksek sewiyege yetküzülüshi we serxillashturulushi, hemde rayonluq énérgiye munasiwetlirining kücheytilishige munasiwetlik purset hem imkaniyetler heqqide özara pikir almashturulidiken.

yene bir tereptin, yighinda, türkiye énérgiye we tebiiy bayliqlar ministiri fatih dönmez, qazaqistan énérgiye ministiri nurlan nogayéw, qirghizistan énérgiye we sanaet ministiri qubanichbék turdubayéw, özbékistan énérgiye ministiri elishir sultanow we wéngiriye yéngiliq yaritish we téxnologiye ministirliqining énérgiye ishlirigha mesul dölet ministiri atilla stéynér qatarliqlarmu söz qilidiken.