chawushoghlu: türkmenistan gazining türkiyege kélishi üchün tégishlik wezipimizni orundashqa teyyarmiz
tashqi ishlar ministiri mewlut chawushoghlu türkmenistan gazining türkiyege kélishi we türkiye arqiliq yawropagha yétip bérishi üchün tégishlik wezipisini orundashqa teyyar ikenlikini bildürdi.
türkiye awazi radiyosi xewiri: tashqi ishlar ministiri mewlut chawushoghlu türkmenistan tashqi ishlar ministiri rashid mérédow bilen ayrim we heetler ara uchrishitin kéyin, tashqi ishlar ministirlikide birleshme axbarat élan qilish yighini chaqirdi.
mewlut chawushoghlu ayrim we heetler ara muzakirilerde ikki döletning qaysi sahelerde qandaq qedemlerni tashlaydighanliqini meslihetleshkenlikini shundaqla bu ramka dairiside teyyarlanghan yol xeritisini közdin kechürgenlikini bildürdi.
türkiye shirketlirining rayonda hemkarlishishqa teyyar ikenlikini bildürgen chawushoghlu: «türkmenistan gazining türkiyege we türkiye arqiliq yawropagha yétip bérishi üchün biz tégishlik wezipimizni orundashqa teyyarmiz» dédi.
türkmenistan tashqi ishlar ministiri rashid mérédowmu uchrishishta özara soda we iqtisadiy munasiwetlerning muzakire qilinghanliqini tilgha élip, «énérgiye, qatnash, yuqiri téxnika we bashqa mesililerde birlikte layihelerni tüzeleymiz, biz pilan we programmilarni tüzüp, türk dostlirimizgha teklip sunimiz» dédi.
