fuat oktay 1-qétimliq türk dunyasi métérologiye munbiride söz qildi

türkiye awazi radiyosi xewiri: türkiye muawin jumhur reisi fuat oktay métérologiye idarisining tebiiy apet we jiddiy ehwallargha taqabil turush merkizide ötküzülgen 1-qétimliq türk dunyasi métérologiye munbiride söz qildi.

u her küni dégüdek dunyaning oxshimighan jayliridin sel, quyun, qurghaqchiliq we orman ot apetliri toghrisidiki xewerler kéliwatqanliqini bildürüp: «döletlirimizge we kélechikimizge tehdit séliwatqan kilimat özgirishige qarshi ayrim-ayrim qiliwatqan xizmetlirimizning muweppeqiyetke érishishi üchün omumiyüzlük kürishimizni we özara hemkarliqimizni kücheytishimiz muhim» dédi.

u bolupmu, métérologiyelik apetler mesiliside del waqtida we toghra texmin qilish, aldin xewer bérish we bu apetlerge qarshi berdashliq bérish témilirigha zor ehmiyet bergenliklirini bildürdi. u mundaq dédi:

«kilimat özgirishi seweb boluwatqan qurghaqchiliq, su we yémek-ichmek kirizisi bilen insaniyetning saqliqi we iqtisad qatarliq hayatning her teripige munasiwetlik mesililerge tesir körsetmekte. qilinghan métérologiyelik ölcheshler we texminler, ottura we uzun mezgilde kilimat özgirishining intayin dramatikiliq netijilerge seweb bolush mumkinlikidin bésharet bermekte» dédi.

u hem muhit xaraktérlik hemde iqtisadiy jehettin chong ziyangha uchrimasliq üchün kilimat özgirishige qarshi küreshni, jumhur reis rejep tayyip erdoghan bashchiliqida xelqaraliq, döletlik we yerlik sewiyelerde dawamlashturuwatqanliqlirini eskertip, tejribe almashturushni, tük dunyasi métérologiye birleshmisi künlüki astida keng dairilik sistémiliq qurulmigha ige qilidighanliqlirini qeyt qildi.