фуат октай 1-қетимлиқ түрк дунйаси метерологийә мунбиридә сөз қилди

түркийә авази радийоси хәвири: түркийә муавин җумһур рәиси фуат октай метерологийә идарисиниң тәбиий апәт вә җиддий әһвалларға тақабил туруш мәркизидә өткүзүлгән 1-қетимлиқ түрк дунйаси метерологийә мунбиридә сөз қилди.

у һәр күни дегүдәк дунйаниң охшимиған җайлиридин сәл, қуйун, қурғақчилиқ вә орман от апәтлири тоғрисидики хәвәрләр келиватқанлиқини билдүрүп: «дөләтлиримизгә вә келәчикимизгә тәһдит селиватқан килимат өзгиришигә қарши айрим-айрим қиливатқан хизмәтлиримизниң мувәппәқийәткә еришиши үчүн омумийүзлүк күришимизни вә өзара һәмкарлиқимизни күчәйтишимиз муһим» деди.

у болупму, метерологийәлик апәтләр мәсилисидә дәл вақтида вә тоғра тәхмин қилиш, алдин хәвәр бериш вә бу апәтләргә қарши бәрдашлиқ бериш темилириға зор әһмийәт бәргәнликлирини билдүрди. у мундақ деди:

«килимат өзгириши сәвәб болуватқан қурғақчилиқ, су вә йемәк-ичмәк киризиси билән инсанийәтниң сақлиқи вә иқтисад қатарлиқ һайатниң һәр тәрипигә мунасивәтлик мәсилиләргә тәсир көрсәтмәктә. қилинған метерологийәлик өлчәшләр вә тәхминләр, оттура вә узун мәзгилдә килимат өзгиришиниң интайин драматикилиқ нәтиҗиләргә сәвәб болуш мумкинликидин бешарәт бәрмәктә» деди.

у һәм муһит характерлик һәмдә иқтисадий җәһәттин чоң зийанға учримаслиқ үчүн килимат өзгиришигә қарши күрәшни, җумһур рәис рәҗәп таййип әрдоған башчилиқида хәлқаралиқ, дөләтлик вә йәрлик сәвийәләрдә давамлаштуруватқанлиқлирини әскәртип, тәҗрибә алмаштурушни, түк дунйаси метерологийә бирләшмиси күнлүки астида кәң даирилик системилиқ қурулмиға игә қилидиғанлиқлирини қәйт қилди.