қазақистан йеңи латин елипбәсини тонутти
қазақистан миллий елипбә комитети, 2023 – 2031 – йиллири арисида тәдриҗий йолға қойулуши қарар қилинған латин һәрплиригә маслаштурулған йеңи қазақ елипбәсини тонуштурди.
түркийә авази радийоси хәвири: әхмәт байтурсуноф тилшунаслиқ институти тәрипидин һазирланған елипбә «бир тавуш - бир һәрп» пиринсипиға асасән тәййарланди.
латин һәрплиригә маслаштурулған йеңи қазақ елипбәсидә тоққузи созуқ тавуш болуп 31 асасий һәрп бар. әмма, елипбәгә киргүзүлмигән x вә w қатарлиқ һәрпләр чәт әл тиллиридин киргән сөзләрдә ишлитилиду.
баш министир әсқәр мамин бу һәқтә байанат берип: «елипбәниң йахшиланған нусхиси қазақ тилиниң тарқилишиға йеңи һәрикәтләндүргүч күч ата қилиду вә униң заманивилишишиға төһпә қошиду» деди.
1940- йилдин башлап кирил елипбәсини ишлитип келиватқан қазақистан, 2017- йили қәдәмму қәдәм латин елипбәсигә өтүшни қарар қилғаниди.
مۇناسىۋەتلىك خەۋەرلەر
шивейтсарийәдә түрк һәптилики паалийити өткүзүлмәктә
шивейтсарийәниң җәнвә шәһиридә түрк һәптилики паалийити өткүзүлмәктә.
әрменийә төт йезисини әзәрбәйҗанға қайтуруп беришни қобул қилди
әрменийә 1-қарабағ урушида ишғал қиливалған 4 йезини әзәрбәйҗанға қайтуруп беришни қобул қилди.