қирғизистанда садир җаппарвониң һөкүмити тарқалди

қирғизистан мәркизий сайлам комитети тәрипидин 2021-йили 10-йанвар өткүзүлгән пирезидентлиқ сайлимида садир җаппаровниң ғәлибә қилғанлиқи елан қилиништин бурун, садир җаппаровниң башчилиқида қурулған һөкүмәт тарқалди.

1568566
қирғизистанда садир җаппарвониң һөкүмити тарқалди

түркийә авази радийоси хәвири: қирғизистан пирезидентлиқ мәһкимисиниң ахбарат мәркизи елан қилған байанатта, садир җаппаровниң баш министирлиқ вәзиписидин истепа бәргәнлики, униң 28-йанвар (2021) пирезидентлиқ һоқуқини рәсмий өткүзүвалидиғанлиқи билдүрүлди.

байанатта, қирғизистан парламентиниң башлиқи талант мамитовниң кабент әзалириниң истепасини қобул қилғанлиқи вә йеңи һөкүмәт қурулғичә биринчи муавин баш министир артәм новиковниң башчилиқидики вақитлиқ һөкүмәтниң вәзиписини давамлаштуридиғанлиқи әскәртилди.

байанатта йәнә, пирезидентлиққа сайланған садир җаппаровниң 28-йанвар бишкәктики чоң консерт залида қәсәм берип вәзипә тапшурувалидиғанлиқи қәйт қилинди.

қирғизистанда 2020-йили 4-өктәбир өткүзүлгән парламент сайлимини әмәлдин қалдурушни тәләп қилған өктичиләрниң  5-өктәбир өткүзгән намайишлири зораванлиққа айланған вә пирезидентлиқ мәһкимиси билән парламент бинаси бесилған иди.  шу күни түрмидин чиқирилип «вақитлиқ баш министир» дәп елан қилинған вә ата йурт партийәсиниң парламент әзаси садир җаппаровниң баш министирлиқи вә ички кабенти, 2020-йили 10-өктәбир тәстиқланған иди.

қирғизистанни үч йил башқурған пирезидент соронбай җәинбеков  истепа бәргәндин кейин, пирезидент намзати болған садир җаппаров, бүгүн (2021-йили 21-йанвар) баш министирлиқ вәзиписидин рәсмий истепа бәрди.

у 10-йанвар муддәттин бурун өткүзүлгән пирезидентлиқ сайлимида %79.20 авазға еришип, пирезидентлиққа сайланған иди.



مۇناسىۋەتلىك خەۋەرلەر