türkiye özbékstanda eng köp shirket qurghan

özbékstan döletlik istatistika idarisi türkiyening eng köp shirket qurghan dölet ikenlikini élan qildi.

1563015
türkiye özbékstanda eng köp shirket qurghan

türkiye awazi radiyosi xewiri: özbékstan döletlik istatistika idarisi dölette qurulghan chet el shirketliri toghrisida sanliq melumat élan qildi.

özbékstan döletlik istatistika idarisining melumatlirida bildürülishiche, 2020-yilida özbékstanda 305 shirket qurghan türkiye, chet el meblighi bilen eng köp shirket qurghan döletler tizimlikide aldinqi rettin orun alghan. ötken yili (2020) 1715 chet el shirkiti qurulghan özbékstanda, eng köp shirket qurghan döletler arisida türkiyedin kéyin, 265 shirket qurghan rusiye ikkinchi orunda turghan. 147 shirket qurghan xitay bolsa, üchinchi orunda turghan.

bu mezgilde qazaqistan meblighi bilen 110, jenubiy koréye meblighi bilen 77 shirket qurulghan. chet el meblighi bilen qurulghan shirketler asasliqi tashkent, semerqent we surxanderya qatarliq jaylarni tallighan. bu shirketler eng köp sanaet, soda, binakarliq we yéza igiliki sahelirige meblegh salghan.

2021-yili 1-yanwardin bashlap chet el meblighi bilen qurulghan shirketlerning jemiy sani 11 ming 781 ge yetken. 2019-yili bolsa, bu san 3 ming 330 bolghan.



مۇناسىۋەتلىك خەۋەرلەر