түркийә өзбекстанда әң көп ширкәт қурған
өзбекстан дөләтлик истатистика идариси түркийәниң әң көп ширкәт қурған дөләт икәнликини елан қилди.
түркийә авази радийоси хәвири: өзбекстан дөләтлик истатистика идариси дөләттә қурулған чәт әл ширкәтлири тоғрисида санлиқ мәлумат елан қилди.
өзбекстан дөләтлик истатистика идарисиниң мәлуматлирида билдүрүлишичә, 2020-йилида өзбекстанда 305 ширкәт қурған түркийә, чәт әл мәблиғи билән әң көп ширкәт қурған дөләтләр тизимликидә алдинқи рәттин орун алған. өткән йили (2020) 1715 чәт әл ширкити қурулған өзбекстанда, әң көп ширкәт қурған дөләтләр арисида түркийәдин кейин, 265 ширкәт қурған русийә иккинчи орунда турған. 147 ширкәт қурған хитай болса, үчинчи орунда турған.
бу мәзгилдә қазақистан мәблиғи билән 110, җәнубий корейә мәблиғи билән 77 ширкәт қурулған. чәт әл мәблиғи билән қурулған ширкәтләр асаслиқи ташкәнт, сәмәрқәнт вә сурхандәрйа қатарлиқ җайларни таллиған. бу ширкәтләр әң көп санаәт, сода, бинакарлиқ вә йеза игилики саһәлиригә мәбләғ салған.
2021-йили 1-йанвардин башлап чәт әл мәблиғи билән қурулған ширкәтләрниң җәмий сани 11 миң 781 гә йәткән. 2019-йили болса, бу сан 3 миң 330 болған.
