qazaqistan xelqi kelgüsi 5 yil boyiche wezipe öteydighan parlamént ezalirini saylimaqta

türkiye awazi radiyosi xewiri: qazaqistanda ruyxetke élinghan 12 milyon saylighuchi  bolup, qazaqistan parlaméntining töwen qaniti bolghan mejliste kelgüsi 5 yil boyiche wezipe öteydighan yéngi parlamént ezalirini  saylash üchün shu yerning waqti 07:00 din étibaren bélet tashlash bashlandi.

chetelde yashaydighan qazaqistan puqralirimu oxshash waqitta bélet tashlashni bashlidi.

saylamda hakimiyettiki nur otan partiyesidin 126, aq yol démokratlar partiyesidin 38, qazaqistan xelq partiyesidin 113, awil (yéza) xelq démokratik partiyesidin 19 we adal (semimiyet) partiyesidin 16 bolup, jemiy 312 namzat riqabetlishidu.

memliket miqyasidiki bélet tashlash jeryani shu yerning waqti 20:00 de axirlishidu.

parlamént we kéngesh palatasidin terkib tapqan ikki qanatliq qurulmigha ige qazaqistan parlaménti, asasiy qanun boyiche «döletning eng yuqiri qanun chiqirish orgini» dep teriplinidu.

parlaméntning töwen qaniti bolghan mejqlis 107 parlamént ezasidin terkib tapidu.