قازاقىستاندا ئايروپىلان چۈشۈپ كېتىپ نۇرغۇن ئادەم ئۆلدى

تۈركىيە ئاۋازى رادىيوسى خەۋىرى:  قازاقىستان جىددىي ئەھۋاللارغا تاقابىل تۇرۇش كومىتېتىنىڭ بىلدۈرۈشىچە، 95 يولۇچى بىلەن 5 كىشىلىك خادىم ئولتۇرغان، ئالمۇتا – نۇرسۇلتان ئارىقىلىدا قاتناۋاتقان  Bek Air  ھاۋا يوللىرى شىركىتىگە ئائىت يولۇچىلار ئايروپىلانى قوزغىلىش جەريانىدا تۇرالغۇلارنىڭ ئۈستىگە چۈشۈپ كەتكەن، قازادا 14 يولۇچى جېنىدىن ئايرىلغان، 30 يولۇچى يارىلانغان، ۋەقەدىن كېيىن نەق مەيداندا ئىزدەش - قۇتقۇزۇش پائالىيەتلىرى باشلانغان.

قازاقىستان سانائەت ۋە ئۇل ئەسلىھە قۇرۇلۇشلىرىنى تەرەققىي قىلدۇرۇش مىنىستىرلىقىنىڭ بىلدۈرۈشىچە، قازانىڭ سەۋەبى تەكشۈرۈپ بىر تەرەپ قىلىنغانغا قەدەر  Bek Air  ھاۋا يوللىرى شىركىتىنىڭ پائالىيەتلىرى توختىتىلغان.