ئۆزبېكستاننىڭ سودا ھەجىمى ئاشتى

تۈركىيە ئاۋازى رادىيوسى خەۋىرى: ئۆزبېكستان دۆلەتلىك ئىستاتىستىكا كومىتېتى تاشقى سودىغا مۇناسىۋەتلىك رەقەملەرنى ئېلان قىلدى. كومىتېتنىڭ سانلىق رەقەملىرىگە ئاساسلانغاندا، 2019-يىلىنىڭ تۇنجى ئۈچ ئېيىدا ئېكسپورت مىقدارى %20.6 ئېشىپ 4 مىليارد 132.7 مىليون دوللارغا، ئىمپورت مىقدارى %32.9 ئېشىپ 5 مىليارد 273.5 مىليون دوللارغا يەتكەن. بۇ مەزگىلدە ئۆزبېكستاننىڭ تاشقى قىزىل رەقىمى 1 مىليارد 140.8 مىليون دوللار بولغان.

2019-يىلىنىڭ تۇنجى چارىكىدە ئۆزبېكستاننىڭ ئېكسپورتىدا بىرىنچى ئورۇندا، ئالتۇن، ئېنېرگىيە ۋە نېفىت مەھسۇلاتلىرى، يېمەك-ئىچمەك مەھسۇلاتلىرى، رەڭلىك ۋە تۆمۈر مېتاللار بىلەن مۇلازىمەت ساھەسى تۇرغان. ئىمپورتىدا بولسا، ماشىنا-ئۈسكۈنىلەر، خىمىيە سانائىتى مەھسۇلاتلىرى، رەڭلىك ۋە تۆمۈر مېتاللىرى مەھسۇلاتلىرى ئالدىنقى ئورۇندا تۇرغان.

ئۆزبېكستاننىڭ تاشقى سودىسى 2018-يىلىدا 2017-يىلىغا سېلىشتۇرۇلغاندا %27.3 ئېشىپ 33 مىليارد 815.3 مىليون دوللار بولغان بولۇپ، بۇنىڭ 14 مىليارد 257.9 مىليون دوللارلىق قىسمىنى ئېكسپورت، 19 مىليارد 557.4 مىليون دوللارلىق قىسمىنى ئىمپورت ئىگەللىدى.