ئەركىن چېلىشىش كوماندىسى چېمپىيون بولدى

تۈركىيە ئاۋازى رادىيوسى خەۋىرى: رۇمېنىيە پايتەختى بۇخارېستتا ئۆتكۈزۈلگەن ياۋروپا چېمپىيونلۇقىدا ئىككى ئالتۇن مېدال، ئىككى كۈمۈش مېدال ۋە ئىككى مىس مېدالغا ئېرىشىپ، گىرۇزىيە بىلەن ئەزەربەيجان كوماندىلىرىنىڭ ئالدىغا ئۆتكەن تۈركىيە ئەركىن چېلىشىش كوماندىسى، كوماندىلارنىڭ تەرتىپىدە بىرىچىنى بولدى. بۇنىڭ بىلەن، تۈركىيە كوماندىسى 1993-يىلى ئىستانبۇل ساھىبخانلىق قىلغان ياۋروپا چېمپىيونلۇقىدىن كېيىنكى تۇنجى قېتىملىق ئەركىن چېلىشىش تۈرى بويىچە چېمپىيونلۇقنى قولغا كەلتۈرگەن بولدى.

فەيزۇللاھ ئاقتۈرك 92 كىلوگىراملىقلار بويىچە، تاھا ئاقگۈل 125 كىلوگىراملىقلار تۈرى بويىچە ئالتۇن مېدالنى قولغا كەلتۈردى.

تاھا ئاقگۈل 125 كىلوگىراملىقلار بويىچە ئۆتكۈزۈلگەن ئەركىن چېلىشىشتا، گىرۇزىيەلىك ماھىر گېنو پېترىياشۋىلى بىلەن مۇسابىقىلەشتى. مەيداندىن 4 كە قارشى 5 نەتىجە بىلەن ئايرىلغان تاھا ئاقگۈل، ئارقىمۇ ئارقا تۆت قېتىم، جەمئىي 11 قېتىم ياۋروپا چېمپىيونى بولدى.

فەيزۇللاھ ئاقتۈرك 92 كىلوگىراملىقلار بويىچە ئۆتكۈزۈلگەن ئەركىن چېلىشىشتا، سلوۋېنىيەلىك ماھىر بورىس ماكوئېۋنى 0 گە قارشى 8 نەتىجە بىلەن يېڭىپ، ئۈچىنچى قېتىم ياۋروپا چېمپىيونى بولدى.