döletlik ayallar walibol komandisi aqdéngiz tenheriket musabiqiside meghlubiyetsiz ilgirilimekte
döletlik ayallar walibol komandisi sérbiye komandisini 0 ge qarshi 3 netije yengdi.
türkiye awazi radiyosi xewiri: döletlik ayallar walibol komandisi aljiriyede ötküzülüwatqan 19 - nöwetlik aqdéngiz tenheriket musabiqiside sérbiye komandisini 0 ge qarshi 3 netije bilen meghlup qilip, meghlubiyetsiz halda hel qilghuch musabiqige qatnishish salahiyitige érishti.
türkiye döletlik ayallar walibol komandisi aljiriyening oran shehiride ötküzülgen yérim hel qilghuch musabiqide sérbiye komandisi bilen meydangha chüshti؛ 25-21 , 25-14 we 25-23 netijiler bilen reqibini 0 ge qarshi 3 nomur bilen meghlup qilghan komandimiz aqdéngiz tenheriket musabiqiside 7-qétim hel qilghuch musabiqige qatnishish pursitini qolgha keltürdi.
sétkaning sultanlirining hel qilghuch musabiqidiki reqibi italiye - ispaniye musabiqisining chémpiyoni bolidu؛ hel qilghuch musabiqe 4-iyul düshenbe küni türkiye waqti saet 18.30 da ötküzülidu.