т р т спор йувентус-интер мусабиқисини нәқ мәйдандин тарқитиду

түркийә авази радийоси хәвири: т р т спор қанили әтә (11-май) әнқәрә вақти 22.00, үрүмчи вақти 12-май 01.00 дә йувентус командиси билән интер командисиниң италийә лоңқиси һәл қилғуч мусабиқисини нәқ мәйдандин тарқитиду.

йавропа дәриҗидин ташқири бирләшмә мусабиқилиридә чемпийонлуқни қолдин берип қойған йувентус командиси, италийә лоңқиси билән орнини толдурушқа тиришмақта.

йәттә қетим италийә чемпийони болған интер командиси болса, аридин 11 йил өткәндин кейин, лоңқини қайтидин қолға кәлтүрүшни нишан қилди.

йувентус билән интер бу пәсиллик мусабиқиләрдә үч қетим мусабиқигә чүшти. дәриҗидин ташқири бирләшминиң биринчи мусабиқисидә, нәтиҗә 1-1 ахирлашти. иккинчи қетимлиқ мусабиқидә, интер командиси 0 гә қарши 1 нәтиҗә билән йувентусни мәғлуб қилди.

икки команда италийә дәриҗидин ташқири лоңқиси мусабиқилиридиму өзара риқабәтләшкән болуп, интер командиси қошуп берилгән вақитта 1 гә қарши 2 нәтиҗә билән йәңгән иди.