galatasaray we fenerbahche ayallar putbol komandiliri dostluq musabiqisi ötküzdi
galatasaray komandisi bilen fenerbahche komandisining ayallar putbol komandiliri, jemiyette ayallargha zorawanliq qilishqa qarshi yuqiri ang peyda qilish üchün dostluq musabiqisi ötküzüldi.
türkiye awazi radiyosi xewiri: galatasaray komandisi bilen fenerbahche komandisining ayallar putbol komandiliri, jemiyette ayallargha zorawanliq qilishqa qarshi yuqiri ang peyda qilish üchün dostluq musabiqisi ötküzüldi.
galatasaray ayallar putbol komandisi bilen fenerbahche ayallar putbol komandisining dostluq musabiqisini, aile we ijtimaiy xizmetler ministiri derya yanik, edliye ministiri abdulhamit gül, iyi (yaxshi) partiyesining bashliqi meral aqshener xanim, istanbul waliysi eli yerlikaya, istanbul wilayetlik tenterbiye mudiri burhanettim hajijaferoghlu we alahide teklip qilinghan méhmanlar bilen nurghun putbol heweskarliri kördi.
musabiqe nef tenterbiye meydanida ötküzüldi. fenerbahche ayallar putbol komandisi 0 ge qarshi 7 netije bilen ghelbe qildi.
musabiqide sekkiz minutta qarshi terepning waratasigha 3 top kirgüzgen shaméka fishléy alahide közge chéliqti.
musabiqe bashlanghanda, ikki komandining mahirliri «ayallargha zorawanliq qilish axirlashsun» dégen shoar yézilghan lozunka kötürüp meydangha kirdi.
galatasaray ayallar putbol komandisi musabiqe bashlinip besh minut ötkende qizil kart jazasi yidi we bir mahiri aziyip 10 kishi qaldi.
fenerbahche ayallar putbol komandisi pursettin paydilinip 10-minutta galatasaray komandisining waratasigha bir top kirgüzdi. 13-minutta yene bir top kirgüzdi.
fenerbahche komandisi 31-minut, 34-minut we 39-minut, 40-minut we 51-minutlarda arqa-arqidin top kirgüzüp, netijini 0 ge qarshi 7 ke chiqardi.
