түркийә дөләтлик путол командиси тәййарлиқ мусабиқилирини ахирлаштурди
түркийә дөләтлик путбол командиси 11-ийун (2021) башлинидиған 2020-йиллиқ йавропа лоңқисидин бурун ахирқи тәййарлиқ мусабиқисидә, молдова командисини 0 гә қарши 2 нәтиҗә билән йәңди.
түркийә авази радийоси хәвири: түркийә дөләтлик путбол командиси молдова командиси билән германийәдә мусабиқигә чүшти.
түркийә дөләтлик командисиниң биринчи топини 58-минутта бурак йилмаз, 77-минутта җәнгиз үндәр қарши тәрәпниң варатасиға киргүзди.
түркийә дөләтлик путбол командиси молдова мусабиқиси билән, 2020-йиллиқ йавропа лоңқисидин бурунқи тәййарлиқ мусабиқилирини ахирлаштурған болди.
анталйа мәшиқ лагеридики тәййарлиқ мусабиқисидә, түркийә командиси әзәрбәйҗан командисини 1 гә қарши 2 нәтиҗә билән йәңгән болуп, гинә командиси билән өткүзүлгән мусабиқә 0-0 ахирлашқан иди.
түркийә командисиниң германийәдики мәшиқи 10-ийунғичә давамлишиду. команда шу күни римға қарап һәрикәт қилиду. 11-ийун рим олимпик мәйданида өткүзүлидиған 2020-йиллиқ йавропа лоңқисиниң башлиниш мусабиқисидә, италийә командиси билән мусабиқигә чүшиду.
