türkiye chélishish mahirliri warashawada zor ghelibilerni qolgha keltürdi

türkiye awazi radiyosi xewiri: türkiye chélishish mahiri süleyman atli polsha paytexti warashawada ötküzülgen yawropa chélishish chémpiyonluqida, 57 kilogiramliqlarning erkin chélishish charek hel qilghuch musabiqiside, ukrainaliq mahir kamil kerimowni 0 ge qarshi 11 nomur, yérim hel qilghuchta bulghariyelik türk mahiri naim salimmikyayni 1 ge qarshi 3 netije bilen yingip, hel qilghuch musabiqige chüshüsh salahiyitige érishti.

süleyman atli tünügün (2021-yili 20-aprél) kechtiki musabiqide, rusiyelik mahir nachyn mongush yengdi we yawropa chémpiyoni boldi.

97 kilogiramliqlarning erkin chélishish türide, süleyman qaradéngiz rusiyelik mahir jabrailowgha utturup qoyup, kümüsh médalgha érishti.

türkiye mahiri taha akgül125 kilogiramliqlarning erkin chélishish türide, hel qilghuch musabiqige chüshüsh salahiyitini qolgha keltürdi.

u deslepki musabiqiside giruziyelik géno pétriyashwili (Geno Petriashvili) ni 1 ge qarshi 6 netije bilen anche küchimeyla yengdi. charek hel qilghuch musabiqide bolsa, polshalik kamil tomasizkosjiyolék (Kamil Tomasz Kosciolek)  ni 1 ge qarshi 6 netije bilen yengdi. yérim hel qilghuchta, bélarusiye mahiri dziyanis xramiyankow (Dzianis Khramiankou) ni 0 ge qarshi 4 netije bilen meghlub qilip, hel qilghuch musabiqige qatnishish salahiyitini qolgha keltürdi.

emrah ormanoghlu 61 kilogiramliqlarning erkin chélishish türide, italiye mahiri simon winjénzo piroddu (Simone Vincenzo Piroddu) 1 ge qarshi 11 netije bilen yengdi charek hel qilghuch musabiqige qatnishish salahiyitige érishti.

emrah ormanoghlu bügün (2021-yili 21-aprél) bulghariyelik jorji waléntinow wangélow  (Georgi Valentinov Vangelov) bilen musabiqige chüshidu.

türkiye büyük millet mejlisi (parlaménti) bashliqi mustafa shentop, muawin jumhur reis fuat oktay we tenterbiye ministiri mehmet muharrem kasapoghlu türkiye mahirlirini tebriklidi.