америка васкетбол бирләшмиси — NBA мусабиқә вақит җәдвилигә өзгәртиш киргүзидиғанлиқини уқтурди

түркийә авази радийоси хәвири: NBA байанат елан қилип, ковид - 19 йуқуми сәвәбидин һазирғичә 22 мәйдан мусабиқиниң кечиктүрүлгәнликини вә бу мусабиқиләрниң өткүзүлүш вақитлирида бәзи өзгиришләрниң болидиғанлиқини билдүрди.

йеңи вақит җәдвилиригә асасән, мусабиқә мәзгилиниң кейинки йеримида өткүзүлүши пиланланған мусабиқиләрниң көпинчиси алдинқи йерими ахирлишиштин бурун ойнилидикән.

бу әһвалниң тәсиригә әң көп учриған вашингтон визардс командиси билән мемфис гиризлиз командиси өз командилиридики ковид - 19 йуқумланғучилири сәвәбидин бу пәслидә 6 мәйдан мусабиқигә қатнишалмиди.

байанатта йәнә, 20-27-йанвар күнлири 492 васкетболчиниң саламәтлик әһвалиниң тәкшүрүлгәнлики, буларниң ичидә бир адәмдә йуқум байқилип карантин қилинған қәйт қилинди.