түркийә командиси билән венгрийә командиси бүгүн мусабиқигә чүшиду
түркийә дөләтлик путбол командиси йавропа путбол федератсийәлири бирләшмиси (UEFA) B бирләшмә 3-гуруппидики алтинчи вә ахирқи мусабиқисидә, бүгүн (2020-йили 18-нойабир) венгрийә командисини күтүвалиду.
түркийә авази радийоси хәвири: мусабиқә әнқәрә вақти 22 дин 45 минут өткәндә, пускас тәнтәрбийә мәйданида башлиниду. «TRT 1» қанили мусабиқини нәқ мәйдандин тарқитиду.
мусабиқидә, словакийә путбол федератсийәсиниң репери иван крузлийак (Ivan Kruzliak) реперлиқ қилиду. томас сомолани (Tomas Somolani) билән бранислав ханко (Branislav Hancko) йардәмчи репер болиду.
гуруппидики йәнә бир мусабиқидә, русийә командиси билән сербийә командиси мусабиқигә чүшиду. үчинчи гуруппида русийә командиси 8 номур билән биринчи орунда, охшаш номур билән венгрийә командиси иккинчи орунда, түркийә 6 номур билән үчинчи орунда турмақта.
түркийә дөләтлик путбол командиси венгрийә командисини мәғлуб қилғанда вә русийә командиси сербийә командисиға уттуруп қойса, гурупписида биринчиликни қолға кәлтүрәләйду.
