ھاككارى گىلىمى

ھۆرمەتلىك رادىيو ئاڭلىغۇچىلار! ئىلكەر تاشقىن تەرىپىدىن تەييارلانغان «تۈركىيەنىڭ رايونلارغا خاس تىزىمغا ئېلىنغان مەھسۇلاتلىرى» ناملىق سەھىپىمىزنىڭ بۇ ھەپتىلىك سانىدا، «ھاككارى گىلىمى» نى تونۇشتۇرىمىز.

ھاككارى گىلىمىنىڭ تۈركىيەنىڭ رايونلارغا خاس مەھسۇلاتلىرى تىزىملىكىگە كىرگۈزۈلگەن ۋاقتى: 16.05.2023

****** ********* ******

تۈركىيەنىڭ ئىران بىلەن ئىراق چېگراسى كېسىشىپ ئۆتىدىغان ھاككارى شەھىرى ئېگىز تاغلىرى ۋە كەڭ كەتكەن يايلاقلىرى بىلەن داڭلىق. رايوندا ئۆتكەن ئەسىرلەردىن ھازىرغىچە باقمىچىلىق ۋە دېھقانچىلىق بىلەن تىرىكچىلىك قىلىپ كېلىۋاتقان يەرلىك خەلق توقۇمىچىلىق مەھسۇلاتلىرى بىلەنمۇ تونىلىدۇ. ھاككارى گېلىمى 2023-يىلى ھاككارى سودا-سانائەتچىلەر بىرلەشمىسىنىڭ ئىلتىماسى بىلەن تۈركىيەنىڭ رايونلارغا خاس تىزىمغا ئېلىنغان مەھسۇلاتلىرى قاتارىغا كىرگۈزۈلگەن ئىدى.

شەھەرگە قاراشلىق نەھىيەلەرگە كۆرە بىر بىرىدىن پەرقلىنىدىغان ھاككارى گىلەملىرىدە تىك، يانتۇ ۋە مەركىزىي تەركىبلەر ئاساسلىق ئورۇندا تۇرىدۇ. نەقىش نۇسقىدا ھەر خىل گۈللەر، بولۇپمۇ ئەتىرگۈل، قۇش، كېپىنەك ۋە ھايۋانلارنىڭ شەكىللىرى ئورۇن ئالىدۇ. ھاككارى گىلەملىرى ئادەتتە گىلەم ۋەكارىدور گىلىمى سۈپىتىدە ئىشلىتىلگەندىن باشقا يەنە، تام زىننىتى ۋە كارىۋات ياپقۇچ، ئات ۋە تۆگىنىڭ ئېگەر يوپۇقى سۈپىتىدىمۇ ئىشلەپچىقىرىلىدۇ. نەقىشلەرنىڭ ماسلىشىشى ۋە سىممېترىكلىكى سەۋەبىدىن ئۇستۇن ماھارەت تەلەپ قىلىدىغان ھاككارى گىلەملىرىنى توقۇشتا، ئادەتتە كىچىك چارۋىلارنىڭ يۇڭىدا تەييارلانغان يۇڭ يىپ ۋە كۆك بوياق قاتارلىق رەڭلەر ئىشلىتىلىدۇ. گىلەملەر ياغاچتىن ياسالغان گىلەم توقۇش ئۈسكىنىسى ئارقىلىق ئاياللار تەرىپىدىن قولدا توقۇلىدۇ. چوڭلۇقى 3 تىن 5 كىۋادرات مېتىرغىچە كېلىدۇ. ھاككارى گىلەملىرى رەڭلىرى، نەقىشلىرى ۋە نۇسقىلىرى بىلەن بىر-بىرىدىن پەرقلىنىپ تۇرىدۇ. كەمپۈت بېزەك، قىرىق ئەتىرگۈل، ماسلاشتۇرۇلغان گۈمبەز... قاتارلىق ھەممىنىڭ دىققىتىنى تارتىدىغان ئۆزگىچە ئىسىملىق 15 تۈرى بار.

ھۆرمەتلىك رادىيو ئاڭلىغۇچى قېرىنداشلار! يۇقىرىدا تۈركىيەنىڭ رايونلارغا خاس تىزىمغا ئېلىنغان مەھسۇلاتلىرى ناملىق پىروگراممىمىزنى ئاڭلىدىڭلار. كۆڭۈل قويۇپ تىڭشىغىنىڭلار ئۈچۈن رەخمەت!