йутқунчақ йаллуғини тәбиий давалаш усуллири

(доктор мәһмәт учар)

: йутқунчақ йаллуғи дегән немә?

 йутқунчақ йаллуғи еғиз вә бурун бошлуқиниң арқисидики йутқунчақ райони йаллуғидур. боғуз ағриқи дәпму атилидиған йутқунчақ йаллуғи боғузда қичишишни кәлтүрүп чиқириду вә йутушни қийинлаштуруветиду.

йутқунчақ йаллуғиниң алдини елиш тәдбирлири:

• қолни пакиз вә даим йуйуш,

• һөтәлгән йаки чүшкүргән чағда еғиз - бурунни йепиш,

• йуқумлуқ вирус йаки бактерийәдин йуқумланғанлар билән қойуқ алақә қилиштин сақлиниш,

• тамака чекиш вә тамака исидин сақлиниш,

• чаң-тозанлиқ вә мәйнәт һава муһитида қелиштин сақлиниш,

• һәддидин зийадә иссиқ вә соғуқ йемәкликләрни истемал қилиштин сақлиниш,

• имканийәтниң баричә хизмәт вә йашаш саһәлириниң һавасини алмаштуруш,

• химийәлик ғидиқлиғучи маддилар билән учришиштин сақлиниш.

йутқунчақ йаллуғини тәбиий давалаш усуллири:

күндүзи көп су ичиш, илман туз сүйи билән ғарғара қилиш, тоху шорписи қатарлиқ шорпиларни ичиш вә арам елиш йутқунчақ йаллуғини тәбиий давалаш усуллириниң бир қисмидур.

• йутқунчақ йаллуғиға гириптар болуп қалған мәзгилдә җухаргүли, пиннә, ләйлигүл, ечинасейә, липа вә чүчүкбуйа қатарлиқ өсүмлүк чайлирини ичиш,

• суни көп ичиш арқилиқ боғуш қурушни азайтиш,

• илман туз сүйи билән ғарғара қилиш,

• һәсәл истемал қилиш арқилиқ боғузниң ғидиқлинишни азайтиш,

• кечиси боғуз қуруйдиғанлиқи үчүн, пат-пат илман су ичиш.

• тоху шорписи ичиш боғузни тинчландуриду,

• арам елиш пайдилиқтур.

 йутқунчақ йаллуғиға шипалиқ тәбиий дорилар вә тәбиий давалаш усуллири:

. чөл йалпузи, ечинасейә қатарлиқ өсүмлүкләрниң шипалиқ ролидин пайдилиниң.

ечинасейә вә чөл йалпузи боғуз ағриқини вә қичишишни пәсәйтиду. чөл йалпузи бактерийәни йоқитиш вә қизитма қайтуруш дорисидур. ечинасейә болса иммунитет системисини күчәйтиш дориси һесаблиниду. чөл йалпузи чейида ғарғара қилсиңизму йаки уни ичсиңизму болиду.

ғарға қилинидиған чөл йалпузи чейи тәййарлаш усули:

 бир истакан қайнақ суға бир һәсәл қошуқи чөл йалпузи чейи йаки 5 ~ 4 гирам қурутулған чөл йалпузи илавә қилиниду, андин төвән отта 10 минут қайнитилиду. совуғандин кейин күндә 2 йаки 3 қетим ғарғара қилиниду. бу арилашмини 24 саәт ичидә истемал қилип болуш керәк.

 хам самсақ истемал қилиң.

боғуз ағриқи үчүн самсақ ишлитишниң әң йахши усули, самсақни хам пети чайнап йутуш йаки бир парчә елип, уда 15 минут шүмүштур. изип һәсәл йаки зәйтун йеғи қошсиңиз, хам самсақни йутуш техиму асан болиду.

боғуз ағриқи үчүн самсақ ишлитишниң йәнә бир усули мундақ:

аввал бир һәсәл қошуқичилик самсақ езилиду, андин бир истакан қайнақ суға езилгән самсақ, йерим чай қошуқи дарчин, бир қошуқ лимон сүйи илавә қилинип, 2 минут дәмлиниду. бу арилашма күндә икки қетим сүзүп ичилиду.

. дорилиқ пиннә чейи ичиң.

пайдилиқ тәрәплири наһайити көп болған пиннә, чайниса йутқунчақ йаллуғиғиму шипалиқтур. пиннә боғуз ағриқини тохтитип, қуруқ йөтәлни пәсәйтиду. пиннәни чай дәмләп ичишкиму болиду.

 алма сиркәси.

алма сиркәсини йутқунчақ йаллуғини давалашта ишлитиш усули:

алди билән, бир қошуқ органик алма сиркәси бир истакан илман суға арилаштурулиду, андин бу арилашмиға бир қошуқ һәсәл илавә қилинип, күндә бир йаки икки қетим ичилиду. буниңдин башқа йәнә, боғузда ғарғара қилғанда бактерийәни өлтүридиғанлиқи үчүн, алма сиркәси йутқунчақ йаллуғини давалашта үнүмлүк рол ойнайду.

 зәнҗивил

бир һәсәл қошуқи зәнҗивил рәндиләнгәндин кейин, бир истакан суда 5 минут әтрапида қайнитилиду, андин сүзүлүп, бир нәччә тамчә лимон сүйи вә йерим қошуқ һәсәл қошуп ичилиду.

зәрчивә

йерим һәсәл қошуқи зәрчивә талқини билән бир қошуқ тузни бир истакан суға арилаштуруп, күндә икки қетим ғарғара қилғанда, йутқунчақ йаллуғини давалашта наһайити йахши үнүмгә еришкили болиду. қайнитиш һаҗәтсиз болғанлиқтин, тәййарлаш наһайити асан болған бу арилашмини күндә 2 йаки 3 қетим ичишкә болиду.

 һәсәл

бир қошуқ һәсәл билән бир қошуқ органик алма сиркәсини арилаштуруп, һәр 4 саәттә бир қетим истемал қилишқа болиду.

 туз сүйи билән ғарғара қилиш:

үч һәсәл қошуқи тузни икки истакан илман суға селип арилаштурулиду. бу арилашма арқилиқ күндә бирқанчә қетим ғарғара қилиниду. бу усул 3 күндин 5 күнгичә давамлаштурулиду.