қуруқ һөтәлни тәбиий давалаш усуллири

(доктор мәһмәт учар)

өйдә қуруқ һөтәлни әң йахши шәкилдә тәбиий давалаш усуллири төвәндикичә:

һәсәл

һәр хил һөтәлгә ишлитилидиған һәсәл, әң қәдимки һөтәлни тохтитиш дорилиридин бири һесаблиниду. һәсәл, зәнҗивил, лимон, дарчин вә қаримуч арилашмиси һәм кекирдәк ғидиқлинишниң алдини алиду, қуруқ һөтәлни пәсәйтиду. һәсәл тәбиий йаллуғ қайтуруш ролиға игә болуп, һәр хил йуқумлуқ кесәлликләрни давалаштиму үнүмлүк рол ойнайду.

зәнҗивил

ашқазан иқтидари қалаймиқанлишиш кесәлликлиригә шипа болған зәнҗивил қуруқ һөтәлгиму пайдилиқтур. зәнҗивил нәпәс йоллиридики мускулларни бошитиш арқилиқ һөтәлни басиду. һәсәл арилаштуруп «зәнҗивил чейи» шәклидә истемал қилишқиму болиду.

самсақ

бактерийә өлтүрүш вә вирус йоқитиш роли сайисида зукамниң аламити сүпитидә көрүлидиған қуруқ һөтәлгә шипа болиду.

зәрчивә

йаллуғ қайтуруш хусусийитигә игә болуп, қуруқ һөтәлни тохтитишқа ишлитилиду. зәрчивә зиққа, қуруқ һөтәл қатарлиқ кесәлликләрниң аламәтлирини пәсәйтишкә йардәм бериду. һәсәл арилаштуруп чай дәмләп ичип бәргәндә, йаки һәсәл билән арилаштуруп мәҗун қилип истемал қилғанда қуруқ һөтәлгә пайда қилиду.

туз сүйи

туз сүйи билән ғәр-ғәр қилиш кекирдәктики йуқумлинишниң алдини алиду вә кекирдәкниң нәмликини сақлашқа йардәм бериду. қуруқ һөтәлни пәсәйтиш үчүн туз сүйидин пайдилинип, қуруқ һөтәл кәлтүрүп чиқиридиған кекирдәк ғидиқлинишниң алдини алалайсиз.

өсүмлүк чайлири

өсүмлүк чайлирини һәсәл вә лимон арилаштуруп ичип бәргәндә, қуруқ һөтәлни пәсәйткили болиду. пиннә, чөл рәйһини, сериқбуйа, дорилиқ ләйлигүл вә зәнҗивил қатарлиқ өсүмлүкләрниң чайлирини истемал қилиш қуруқ һөтәлгә пайдилиқ.

марҗангүл

чөл рәйһини аилисигә тәвә шипалиқ өсүмлүк болуп, зиққа, канайчә йаллуғи вә зукам қатарлиқ кесәлликләргә ишлитилиду. у йәнә бу кесәлликләр билән мунасивәтлик қуруқ һөтәлниму пәсәйтиду. төт чай қошуқи қурутулған марҗангүл йилтизини қайнақ суда дәмләп, күндә икки қетим ичип бәргәндә, һөтәлни пәсәйткили болиду.

сериқбуйа

йутқунчақ ағриқини пәсәйтиш вә кекирдәкниң нәмликини сақлашқа ишлитилидиған болуп, қуруқ һөтәлгә пайдилиқтур. икки қошуқ қурутулған сериқбуйани қайнақсуда 10 минут дәмләп, сүзүп истемал қилсиңиз болиду. сериқбуйаниң миқдари наһайити муһим болуп, узун муддәт ишләткәндә баш ағриш вә һарғинлиқни кәлтүрүп чиқириши мумкин.

дорилиқ ләйлигүл

йутқунчақ ағриқини пәсәйтиш вә кекирдәкниң нәмликини сақлашқа ишлитилиду. адәттә қийам йаки таблетка шәклидә истемал қилинидиған дорилиқ ләйлигүл қуруқ һөтәлгә пайдилиқ болуп, кекирдәк ғидиқлинишниңму алдини алиду.

чөл рәйһини

 кекирдәктики мускулларни бошитиштәк шипалиқ роли сайисида қуруқ һөтәлгә пайда қилиду. төт қошуқ қурутулған чөл рәйһинини қайнақсуда дәмлигәндин кейин, һәсәл илавә қилип ичип бәргәндә қуруқ һөтәлни пәсәйткили болиду.

қуруқ һөтәлни тәбиий давалашниң башқа усуллири:

 көп су ичиш  вә туманлаштурулған һор иссиқни сүмүрүш кекирдәкниң нәмликини сақлап, қуруқ һөтәлни йәңгиллитиду.

өйдә йөтәлни әң тез пәсәйткүчи ичимликләр

алма чейи

тәркибидики витамин C ниң тәсиридә нәпәс йоллирини қалаймиқанлаштуруветидиған бәлғәмни йумшитип, һөтәлгә пайда қилиду.

сүт

сүтни исситқандин кейин, һәсәл қошуп ичип бериш арқилиқ кекирдәктики ғидиқлиниш вә һөтәлниң алдини алғили болиду. исиқ сүт кекирдәкни тинчландуруп, һөтәлни тохтитиду.

 зәнҗивил чейи

1 истакан қайнақ суға мувапиқ миқдарда зәнҗивил талқини билән бирқанчә тал қовзақдарчин вә қәләмпур қошуп, халиғанлар һәсәл илавә қилип, 5-6 минут дәмләп ичип бәргәндә, һөтәлни әң тез тохтатқили болиду.

буниңдин башқа йәнә, йөтәлни әң тез пәсәйткүчи шипалиқ өсүмлүк чайлири вә ичимликләр төвәндикичә:

• гүлсурух чейи

• беһи чейи

• липа чейи

• чөл йалпузи чейи

• пиннә чейи

• ечинасейә чейи

• һәсәл қошулған чөл рәйһини чейи

• һәсәл қошулған иссиқ сүт

• бадамлиқ апелсин шәрбити

• зәнҗивил вә дарчин чейи

• қаримуч вә һәсәл

• үҗмә шәрбити

• чамғур вә һәсәл арилашмиси

• үзүм шәрбити