хизмәт дунйасидики йеңи тәртип - еластикилиқ иқтисад түзүми

түркийә авази радийоси: интернет дәври вә йәр шарилашқан дунйада, «ковид – 19» йуқуми мәзгилидә кәң омумлашқан «еластикилиқ иқтисад түзүми», бүгүнки күндиму тез тәрәққий қилип, кәң даиридә йолға қойулмақта. әркин кәсип билән шуғулланғучиларға пурсәт йаритип беридиған «еластикилиқ иқтисад түзүми» ниң сәлбий тәрәплириму йоқ әмәс, әлвәттә. ундақта «еластикилиқ иқтисад түзүми» дегән немә?

интернет дәври «еластикилиқ иқтисад түзүми» дәп атилидиған хизмәт әндизисини елип кәлди. бу түзүм «гиг иқтисад түзүми» дәпму атилиду.

болупму «ковид – 19» йуқуми мәзгилидә кәң омумлашқан  «еластикилиқ иқтисад түзүми» йәр шарилашқан дунйадиму давамлиқ тәрәққий қилип, һәр хил йаштики кишиләрниң муқим йаки қошумчә кирим қилишиға шараит һазирлап бәрмәктә.

әркин хизмәт әндизисини өз ичигә алған бу түзүмниң иҗабий вә сәлбий тәрәплири бар.

ундақта күндин-күнгә зорийиватқан бу иқтисадий әндизә зади қандақ уқумни билдүриду?

«еластикилиқ иқтисад түзүми» ниң иҗабий вә сәлбий тәрәплири

«гиг» дегән сөз музика кәспидин кәлгән бир аталғу болуп, «қисқа муддәтлик хизмәт» дегән мәнини билдүриду.

иқтисадий җәһәттики ениқлимиси болса, «хизмәтчиләр үчүн вақитлиқ хизмәт йаки ишқа орунлишиш түзүми» дегән уқумни билдүриду.

болупму «ковид – 19» йуқуми дәври елип кәлгән хизмәт шараитида алқишқа еришкән «еластикилиқ иқтисад түзүми» ниң кәң омумлишиш сүрити бүгүнки күндиму үзлүксиз давамлашмақта.

әркин хизмәт әндизисини өз ичигә алған «еластикилиқ иқтисад түзүми» ниң иҗабий тәрәплири болғинидәк, бирқатар сәлбий тәрәплириму бар, әлвәттә.

хизмәтчиләрниң пәқәт хоҗайини биләнла тохтам түзүши, уйушма һәқ - һоқуқлиридин мәһрум қилиши йаки муқим кириминиң болмаслиқи қатарлиқ амилларни «хәтәрлик әһвал» дейишкә болиду.

әмма йәнә бир тәрәптин, «еластикилиқ иқтисад түзүми»  бизгә муһим пурсәтму сунмақта. әркин хизмәт әндизисигә: «кишиниң өзи үчүн йеңи хизмәтләрни тепишиға, болупму дигитал мунбәрләрдә йеңи хизмәт пурситигә еришишигә шараит һазирлап беридиған әндизә» дәп ениқлима бериш мумкин.

әң муһим амил «теҗәшлик болуш»

болупму чоң ширкәтләр күндин-күнгә ешип бериватқан еһтийаҗни қандуруш вә вақитни теҗәш үчүн, «еластикилиқ иқтисад түзүми»  елип кәлгән әркин хизмәт әндизисини кәң омумлаштурушни давамлаштурмақта.

бир хадимни хизмәт қилдуруп, униңға пүтүн күнлүк иш һәққини бәргиниңиздә, иш һәққи билән бирликтә наһайити көп чиқим қилишиңизға тоғра келиду. әмма сиз бу хадимға һәр күни йаки һәр ай 5 саәт хизмәт қилдурсиңиз , буниң чиқими техиму төвән болиду.

нөвәттә ширкәтләрниң иш орунлирида муқим ишләйдиған хизмәт гуруппилири болғинидәк, һәм бу ширкәтләрниң һәм херидарлириниң бәзи еһтийаҗлирини қандуридиған ихтийарий хадимлириму бардур.

мәнбәси: TRT Haber