әтиргүл сүйиниң теригә қандақ пайдилиқ тәрәплири бар?

(доктор мәһмәт учар)

әтиргүл сүйи териниң PH қиммитини қоғдап, чириштин сақлиғучи хусусийити арқилиқ данихорәкниң пәйда болушиниң алдини алиду. әтиргүл сүйи бу хусусийити түпәйли сопун вә йүз тазилаш мәһсулатлири билән бирликтә ишлитилиду.

 әтиргүл сүйиниң пайдилири төвәндикичә:

· терини нәмләндүрүп, қурғақлишиш вә җиддийлишишниң алдини алиду.

• терә тәр төшүкчилирини тазилап, йағ шкиллинишни азайтиду вә данихорәкни қурутиду.

• оксидлинишқа қарши туруш вә йаллуғ қайтуруш роли арқилиқ йашниң чоңийишиға әгишип оттуриға чиқидиған қоруқларниң шәкиллинишини кечиктүриду.

• теридики өлүк териләрни чиқирип ташлап, терә һүҗәйрилириниң әслигә келишигә йардәм бериду.

• зәмбуруғ вә һөл тәмрәткә кәлтүрүп чиқиридиған қичишишни азайтиду.

• көз халтисиға пайдилиқ.

• тәркибидики витамин E сайисида нәмлик сақлайду.

• · сақал алғандин кейин терә қичишишниң алдини алиду.

• аптапта көйүш кесилиниң сақийиш җәрйанини тезлитиду.

• териниң pH сәвийәсини тәңпуңлаштуриду.

• сәзгүр теригә ишлитишкә мас келиду.

• тәркиблири чач йилтизини озуқландуруп, қуввәтләйду.

әтиргүл сүйиниң теригә қандақ пайдилиқ тәрәплири бар?

әтиргүл сүйиниң тәркибидики гүл бәргиси терини тәбиий тазилаш ролини ойнайду. артуқ майни чиқирип ташлашқа, териниң қизиришни давалашқа, ғидиқлинишни пәсәйтишкә, терини нәмләндүрүшкә йардәм бериду, терини раһәтлитиду. әтиргүл сүйи гүл бәргисидин тәййарланған болғачқа, униң һечқандақ әкис тәсири йоқтур. шуңа терә түриниң қандақ болушидин қәтийнәзәр , һәммә адәм әтиргүл сүйини ишлитәләйду.

буниңдин башқа йәнә, әтиргүл сүйи сөрүнләштүрүш ролиға игә болғачқа, иссиқ өтүп кәткән йаки тәбиий һаләттә тәрләшкә майил йаки йүзи қизил болған кишиләрниң һәммисигә мас келиду.

әтиргүл сүйи нәмлик сақлаш хусусийитигә игә

әтиргүл сүйи териниң нәмлик тәңпуңлуқини сақлайду. тәркибидики шипалиқ роли сайисида нәмлик сақлайду. әтиргүл сүйи һәр бир терә типиға пайдилиқтур.

әтиргүл сүйиниң қуввәтләндүрүш хусусийити бар

әтиргүл өсүмлүкиниң шәрбити териңиз үчүн наһайити йахши қуввәт дорисидур. гирим қилғандин кейин вә кәчтә ухлаштин бурун йүзиңизни әтиргүл сүйи билән йуйуш арқилиқ парқирақ вә һайатий күчкә толған йүз терисигә игә болалайсиз.

әтиргүл сүйи йуйуш суйуқлуқи сүпитидә ишлитилиду

әтиргүл өсүмлүкиниң сүйи йуйуш суйуқлуқи сүпитидә ишлитилиду. әрләр әтиргүл сүйини сақал алғандин кейин терә ғидиқлинишниң алдини елиш мәқситидә ишлитиду. айаллар болса химийәлик тәркибләрдин тәшкил тапқан гирим тазилаш суйуқлуқиниң орниға әтиргүл сүйини ишлитиду. чүнки, әтиргүл сүйи арқилиқ терини тазилаш һәм тәбиий һәм теҗәшлик болиду.

әтиргүл сүйи ишшиқ көзләргә пайдилиқтур

әтиргүл сүйи көз асти ишшиқлириға пайдилиқтур. әтиргүл сүйи бактерийә йоқатқучи хусусийитигә игә. шуңа әтиргүл сүйини уйқусиз вә чарчиған һаләттә ойғанған вақтиңизда көзиңизниң астида көрүлидиған ишшиқларни давалаш үчүн ишләтсиңиз болиду. әтиргүл сүйини тоңлатқуда бир мәзгил қойуп, пахта топиға пүркүп, көзиңизниң асти тәрәплиригә қойсиңиз болиду. бир мәзгилдин кейин, көзиңизниң астидики ишшиқларниң йанғанлиқини көрисиз.

әтиргүл сүйи терә дағлириға пайдилиқтур

әтиргүл сүйи териниң pH тәңпуңлуқини сақлаш арқилиқ териңиздики дағларни йоқитишта муһим рол ойнайду. шундақла, һаварайи шараити сәвәбидин териңизгә йиғилип қалған зәһәрлик маддиларни чиқирип ташлашқа йардәм бериду. у тосулуп қалған тәр төшүкчилирини ачиду вә териңизниң силиқ болушиға капаләтлик қилиду. әтиргүл сүйини қәрәллик ишләткәндә, терини парқиритиду, сағлам вә һайатий күчкә игә  қилиду.

әтиргүл сүйи сулуқ ишшиқни азайтиду

әтиргүл сүйиниң йаллуғ қайтуруш тәркиби териниң қизиришни пәсәйтип, сулуқ ишшиқниң алдини алиду.

әтиргүл сүйи терини әслигә кәлтүрүш вә нәмлик сақлаш ролиға игә

әтиргүл сүйи терә тоқулмилирини йеңилап, қуввәтләндүридиған күчлүк оксидлинишқа қарши турғучи витамин c ниң мәнбәсидур.

әтиргүл сүйи қан айлинишни раванланштуриду

әтиргүл сүйи пәқәт нәмлик сақлашқила йардәм берипла қалмай, йәнә теридики қан айлинишни раванланштурушқиму йардәм бериду.

әтиргүл сүйи теридики бузулған һүҗәйриләрни әслигә кәлтүрүшкә йардәм бериду

әтиргүл сүйиниң оксидлинишқа қарши туруш хусусийити терә һүҗәйрилириниң бузулушиниң алдини алиду.

әтиргүл сүйи данихорәкни йоқитишқа йардәм бериду

әтиргүл сүйи тәр төшүкчилирини ечиш, данихорәкни кичиклитиш вә йеңи терә һүҗәйрилирини ғидиқлаш арқилиқ теридики кир билән майни чиқирип ташлайду.

әтиргүл сүйи терини парқирақ қилиду

әтиргүл сүйи териниң pH тәңпуңлуқини әслигә кәлтүрүп, данихорәкниң шәкиллинишини азайтиду, йүзни адәттин ташқири дәриҗидә силиқ вә парқирақ қилиду.

 әтиргүл сүйини йүзгә қандақ ишлитиш керәк?

әтиргүл сүйи билән йүзни тазилаш наһайити асан вә қоллинишчандур. бир тамчә әтиргүл сүйини пакиз пахта топиға темитип, аста-аста йүзиңизгә сүрүң. бу усул териңиздики артуқчә май ​​вә кирләрни чиқириветишиңизгә йардәм бериду. тәбиий нәмлик сақлаш дориси болған әтиргүл сүйидин қуввәт дориси сүпитидә  пайдилинип, териңиздики тәр төшүкчилири тосулуп қелиштин келип чиққан данихорәкниң алдини алалайсиз.

әтиргүл сүйини чачқа қандақ сүримиз?

әтиргүл сүйини чач сопуни йаки чач асраш суйуқлуқиға қошуп чачқа сүрсиңизму болиду. йаки уни пүркүш ботулкисиға селип, чечиңизға пүркисиңизму болиду.