қандақ қилғанда тирнақ чишләш адитидин қутулғили болиду?

(доктор мәһмәт учар)

тирнақ чишләш кесили

тирнақ чишләш җәмийәттә  наһайити көп учрайдиған бир мәсилә.

тирнақ чишләш кесили дегән немә?

гәрчә тирнақ чишләш кесили җәмийәттә аддий адәт дәп қаралсиму, әмма у писхикилиқ сәвәблири бар болған бир хил кесәлликтур.

тирнақ чишләш кесәлликидә адәм чишлири билән тирнақлирини үзүп ташлайду. бәзи кишиләр чишлири билән тирнақлирини үзгәндин кейин йемәйду, йәнә бәзиләр болса тирнақлирини чишләп йутувалиду. тирнақ чишләш адити бар кишиләр тирнақниң асти вә әтрапидики теригә зийан йәткүзиду. тирнақ чишләш кесили бар бәзи кишиләрдә чач тартиш вә терә йулуш қатарлиқ давамлиқ бәдәнгә зийан йәткүзидиған һәрикәт қалаймиқанчилиқлириму көрүлүши мумкин.

тирнақ чишләш кесәлликлириниң сәвәблири немә?

тирнақ чишләш мәсилисиниң немә сәвәбтин келип чиқидиғанлиқи ениқ мәлум әмәс. йәнә бир тәрәптин, тирнақ чишләш адити ирсийәтлик өзгириш амиллиридин бири дәп қарилиду. буниңдин башқа йәнә, бундақ кишиләрниң йеқин аилә әзалирида тәшвишлиниш қалаймиқанлиқи мәсилиси көп көрүлиду. тирнақ чишләш адити бар кишиләр адәттә бу адәтни җиддийлик вә тәшвишлиниш туйғуси билән бағлинишлиқ һалда бешидин кәчүрүватқанлиқини ипадиләйду.

тирнақ чишләшниң зийини

тирнақ чишләш кесили сәвәбидин бармақларда, тирнақларда вә тирнақ гөшлиридә тоқулмиларниң зәхимлиниши көрүлиду. бундақ кишиләрдә тирнақлар шәкилсиз йоған вә зәхимлик болиду. тирнақ чишләш адити еғиз бошлуқи йариси вә чиш кесәлликлирини кәлтүрүп чиқириду. териниң йуқумлиниши вә зәмбуруғниң шәкиллиниши тәрәққий қилиду. тирнақлирини чишләп йутувалидиған кишиләр ашқазан вә үчәй йуқумлиниш кесәлликлиригә гириптар болиду. тирнақ районидики вирус вә зәмбуруғларниң еғиз шиллиқ пәрдиси билән учришиши иккиләмчи йуқумлиниш еһтималлиқини ашуруветиду. мәслән, тирнақ чишләш адити бар кишиләрдә сөгәлдин йуқумлиниш әһваллири көп көрүлиду.

балилардики тирнақ чишләш мәсилиси

балиларда тирнақ чишләш адити адәттә 3-4 йашта башлинип, өсмүрлүк мәзгилидә көрүнәрлик дәриҗидә тәрәққий қилиду. балиларда 3 йаштин бурун тирнақ чишләш адити аз көрүлиду.

қандақ қилғанда тирнақ чишләш адитидин қутулғили болиду?

тирнақ чишләш адитидин бир кечидила қутулалмаслиқиңиз мумкин, әмма азрақ вақит вә күч сәрп қилип, тирниқиңизни чишләш истикиңизни мәңгү тизгинлийәлишиңиз мумкин.

төвәндики усуллардин пайдилинип тирнақ чишләш мәсилисигә қарши күрәш қилсиңиз болиду:

• сиз қилишқа тегишлик биринчи иш, адәттә күндүзи бу һәрикәтни қәйәрдә қилидиғанлиқиңизни йеқиндин көзитиштур. һәрикәткә зор төһпә қошидиған вә күчәйтидиған һәрқандақ зерикиш, тәшвиш қатарлиқ һессий бағлинишниң бар – йоқлуқини көздин кәчүрүшиңиз керәк.

тирнақ чишләш адитиңизниң йетилишиниң сәвәблирини тепип чиққандин кейин, бу адитиңизни өзгәртиш үчүн кейинки қәдәмни бассиңиз болиду.

• әгәр сиз тирнақ чишләш қозғатқучлириңизни дәл вақтида көзитиватқан болсиңиз, ташлишиңизға тегишлик кейинки қәдәм тирнақлириңизни қанчилик вақитта бир чишләйдиғанлиқиңизни хатирә дәптәргә йезиштур. бирла вақитта һәм йезиш һәм тирнақлириңизни чишләш тәс. бир аз вақит чиқирип, тирнақ чишләш һәрикитиңизни хатирә дәптәргә йезишиңиз, тирнақ чишләш ритимини бузуп ташлап, бу һәрикитиңиз үстидә ойлинишиңиз үчүн сизгә пурсәт йаритип бериду.

• тирниқиңизни һәмишә қисқа тутуң. қисқа тирнақлар бу адәттин қутулушиңизда муһим рол ойниши мумкин. чүнки бундақ болғанда чишлириңиз билән тирнақлириңизни үзәлмәйсиз.

• тирнақлириңизға дориханиларда ретсепсиз сетилидиған сүзүк вә начар татлиқ тирнақ гелини сүрүң.

• даим тирнақ асрашқа әһмийәт бериң. чүнки бу тирниқиңизни чишлимәкчи болғиниңизда һәрикәткә өтүшиңизниң алдини алиду.

• тирнақлириңизни очуқ тутмаң. тирнақлириңизни очуқ тутмаслиқ үчүн, сизгә җисманий җәһәттин тосалғу болидиған пәләй кийсиңиз, йаки тирнақлириңизға йара чаплиқи чаплисиңиз болиду.

• кичик балиларда йиргинчлик җүмлә ишлитиш тәвсийә қилинмайду. чүнки бундақ болғанда диққәт қозғаш сәвәбидин балиларда техиму көп тирнақ чиләш адити ешип кетиду.

• тирнақ чишләш адитини актип һәрикәткә өзгәртишкә тиришиң. мәсилән, тирнақ чишләш истикиңиз қозғалған һаман бесим топи билән мәшғул болуң.

• йәнә бир хил усул болса сизниң тирниқиңизни чишлишиңизгә сәвәб болидиған амилларни ениқлап чиқип, бу амиллардин сақлинишқа тиришиштур.

• тирнақ чишләш адитини тәдриҗий һалда азайтиң. мәсилән, зеһниңизни мәркәзләштүрүп, икки қолиңизниң баш бармақлирини қәтий чишлимәсликкә ирадә бағлаң. буни әмәлгә ашурғандин кейин, башқа тирнақлириңиз үчүнму бу усулдин пайдилип чишләш адитидин пүтүнләй қутулушни нишан қилиң.

• бәзи кишиләргә давалиниши тәвсийә қилиниду. давалиништа бимарниң тирнақ чишләш мәсилиси билән йүзлишиши вә давалиниш мәсилисигә иҗабий қаришиға тоғра келиду.