җигәрни май қаплап кетишниң алдини елишниң тәбиий чарә - тәдбирлири

(доктор мәһмәт учар)

начар узуқлиниш адити, һәрикәтсизлик, семизлик, дийабет кесили, һарақ ичиш, қалқансиман безиниң аз һәрикәт қилиши қатарлиқ сәвәбләр түпәйлидин җигәрни май қаплап кетиш мәсилиси  барғансери еғирлашмақта.

җигәрдә йиғилип қалған артуқ йағ ​​җигәр қетишиштин йүрәк кесәлликигә қәдәр нурғун еғир кесәлликләргә земин һазирлайду.

· озуқлинишқа диққәт қилиң

тәртиплик озуқлиниш, тез тамақ, ун мәһсулатлири вә татлиқ йемәкликләр қатарлиқ йемәкликләрдин йирақ туруш җигәрни май қаплап кетиш нисбитини төвәнлитиду. күндә йеңи көктат, мевә – чивә, ақ гөш вә талалиқ йемәкликләрни истемал қилишму интайин муһим.

болупму җигәрдин зәһәрлик маддиларни чиқиришқа йардәм беридиғанлиқи үчүн, өз пәсилдә татлиқ зәнҗивил истемал қилиш интайин пайдилиқтур. пийаз, йесивиләк вә броколиму җигәрни қуввәтләйду.

әгәр бәдән еғирлиқиңиз көрүнәрлик ешип кәткән болса, ٪10 оруқлишиңиз җигириңизгә актип тәсир көрситиду.

ақдеңизлиқларниң узуқлиниш адити бойичә сағлам майлар, белиқлар вә көктатларни көп, гөшни аз истемал қилиң. пишшиқлап ишләнгән йемәкликләрни истемал қилишни азайтип, қәнтлик ичимликләрдин сақлиниң.

көп миқдарда көктат, кепәклик, данлиқ зираәт мәһсулатлири вә уруқлири қатарлиқ талалиқ йемәкликләрни көп истемал қилиң.

•  омега-3 йағ кислаталири

зәйтун йеғини ишлитишкә, салмон белиқи вә сардина белиқи қатарлиқ йағлиқ белиқларни һәптидә икки- үч қетим истемал қилишқа сәл қаримаң. хам орман йаңиқи, хам бадам, хам меғиз вә хам данлиқ зираәтләрни һәр күни истемал қилиң. зөрүр болғанда омега-3 толуқлимисини суйуқлуқ дора шәклидә ичиш җигәрдики йағ холестеринниң сәвийәсини төвәнлитиду.

· һарақтин қәтий сақлиниң

һарақ җигәргә әң көп зийан йәткүзидиған амиллардин бири. һарақниң тәсиридә бәдәндә йиғилип қалған зәһәрлик маддилар җигәрни май қаплап кетиш вә арқидин оттуриға чиқидиған җигәр қетишишниң кейинки тәрәққийатини тезлитиду, җанға замин  болидиған кесәлликләрни кәлтүрүп чиқириду. шуңа, һарақтин қәтий сақлиниш керәк.

• тәртиплик чениқиш керәк

һәр күни кәм дегәндә 30 минут һәрикәт қилиш вә чениқиш қан айлинишни ашуруп, инсулин қаршилиқи вә қорсақ қисмида йиғилип қалған майни азайтиду.бу арқилиқ  җигәрдә йиғилип қалған майниң миқдари азийиду. шу вәҗидин, күндилик һайатта тәртиплик меңиш адитини йетилдүрүш керәк.

• қәрәллик һалда дохтурға көрүнүң

дийабет, қалқансиман бәзниң ролини толуқ җари қилдуралмаслиқи вә йуқири холестерин бимарлириниң һәр 6 айда бир қетим дохтурға көрүнүши наһайити муһим. бу кесәлликләрни өз вақтида давалаш җигәрни май қаплап кетиш вә бу кесәлликниң тез тәрәққий қилиш нисбитини төвәнлитиду.

• күндә бир истакан қәһвә ичиң

коффеинниң җигәргә пайдилиқ икәнлики илмий тәтқиқатлар арқилиқ испатланди. бу бәлким униң йаллуғ қайтуруш ролидин йаки җигәрни май қаплап кетишни чәклигәнликидин болуши мумкин.

һәр күни бир истакан қәһвә ичидиғанларниң җигәр кесәлликигә гириптар болуш нисбити қәһвә ичмәйдиғанларға қариғанда аз болиду.

• хоха өсүмлүки истемал қилиң

хоха өсүмлүки билән давалаш җигәр кесәлликлирини әнәниви шәкилдә давалаш усуллиридин биридур. хоха өсүмлүки җигәрниң зәһәрлик маддиларни чиқирип ташлишиға йардәм беридиған ензим ишләпчиқиришини ашуриду. көплигән тәтқиқатларда көрситилишчә, хоха өсүмлүки җигәр ферментини төвәнлитидикән.

(әскәртиш: һәр қандақ типтики өсүмлүкләрни истемал қилишни башлаштин бурун, толуқлима дориларни бихәтәр истемал қилиш вә сиз ичиватқан дорилириңиз билән бирликтә ичкиниңиздә әкс тәсириниң бар – йоқлуқи тоғрисида чоқум дохтуриңиздин мәслиһәт соришиңиз керәк.)

• оксидлинишқа қарши турғучи витамин C вә витамин E ни истемал қилиң

витамин E вә витамин C ниң һәр иккилиси оксидлинишқа қарши турғучи болуп, җигәрниң сағламлиқини илгири сүрүшкә йардәм бериду.

· һәддидин зийадә шекәр истемал қилиштин сақлиниң

имканийәтниң баричә җигәрни ғидиқлиғучи маддиларни истемал қилиштин сақлиниң

зәһәрлик маддиларниң зийиниға учраш (химийәлик дориларда, бәзи дориларда, һәтта йемәкликиңиздә болиду) җигәрниң иқтидарини аҗизлаштуруп, җигәрни май қаплап кетиш тәрәққийатини тезлитиветиду. зәһәрлик маддилардин сақлиништин башқа, «зәһәрсизлиниш усули» арқилиқ зәһәрлик маддиларни бәдән системиңиздин чиқириветишқа тиришиң.

• органик алма сиркәси

алма сиркәси җигәрни һәддидин зийадә мап қаплап кетишни азайтип, оруқлитиду. у йәнә җигәрни қоғдаш хусусийитигә игә болуп, җигәр иқтидариниң сағлам давамлишишиға капаләтлик қилиду.

илман суға бир чай қошуқи алма сиркәси арилаштуруп, күндә икки қетим ичиң.

• лимон

йерим лимонни бир истакан суға сиқип, күндә икки қетим бир нәччә һәптә ичиң. чүнки лимон җигәрдә йиғилип қалған майни азайтишқа йардәм бериду, бу арқилиқ вақитниң өтүшигә әгишип майлиқ җигәр кесәлликлирини тәбиий шәкилдә давалап сақайтиду.

• йешил чай

йешил чай җигәр иқтидарини йахшилайду. шундақла бәдәндики холестеринниң миқдарини төвәнлитиду, һәмдә җигәрни һәддидин зийадә мап қаплап кетишини чәкләйду. күнигә 2 истакан йешил чай ичиң.

• зәрчивә

зәрчивә бәдәндики майларниң һәзим қилинишини йахшилап, уларниң җигәрни қаплап кетишини тохтитиду. һәр күни бир истакан сүткә бир чай қошуқи зәрчивә қошуп ичиң.

• папайа (күли беһиси)

папайа җигәр бимарлири үчүн интайин пайдилиқтур. униң уруқи вә таласи йемәклик майлириниң йаллуғлинишиға йардәм берип, уларниң җигәрни қаплап кетишиниң алдини алиду. папайаниң уруқини езип, су билән арилаштуруп, һәр күни ичиң. йаки бир парчә папайа мевиси истемал қилиң.

• шекәр қомуши шәрбити

һәр күни шекәр  қомуши шәрбити истемал қилиш җигәрниң иқтидарини йахшилашқа вә түрлүк җигәр ағриқлириниң алдини елишқа йардәм бериду.