җигәрни май қаплаш кесәлликини тәбиий давалаш усуллири

(доктор мәһмәт учар)

җигәрни май қаплаш, җигәр һүҗәйрилиридә артуқчә май ​​йиғилиш нәтиҗисидә көрүлидиған кесәлликтур.

• белиқ истемалини ашуруш керәк

җигәрни йағ қаплишиниң алдини елиш үчүн, тәркибидә омега- 3 болған май тәркиби төвән вә йағсиз белиқларни истемал қилиш керәк.

• йавропа кәрәпшиси – лимон шәрбити

йавропа кәрәпшиси шәрбити тәййарлаш усули мундақ؛ 15-16 тал йавропа кәрәпшиси  ғоли билән бирликтә мевә шәрбити чиқириш машнисиға селиниду. үстигә икки қошуқ лимон сүйи вә йерим истакандин көпрәк су илавә қилиниду. 2 минут мевә шәрбити чиқириш машнисида езилиду. күндә бир қетим наштидин 15 минут бурун һәммиси ичилиду. 15 күн мушу бойичә истемал қилинғандин кейин, истемал қилиш 5 күн тохтитилиду. андин тәкрар 15 күн қайта истемал  қилиниду.

• қәһвә

һарақ ичмәйдиған җигирини  май қаплаш кесилигә гириптар болғанларда елип берилған тәтқиқатларда, аз қәһвә ичкән йаки һеч ичмигәнләргә қариғанда, күнигә икки йаки униңдин артуқ қәһвә ичкәнликини билдүргәнләрниң җигириниң техиму аз зийанға учриғанлиқи көрүлгән. дәрвәқә, күндә бир истакан қәһвә май қаплап кәткән җигәргә пайдилиқтур.

• чүчүкбуйа

һарақ ичмәйдиған җигирини  май қаплаш кесилигә гириптар болғанларға пайдилиқтур. шундақла, һарақ ичиш нәтиҗисидә җигәр кесилигә гириптар болғанлар, чүчүкбуйа истемал қилиш арқилиқ җигириниң бузулушидиин сақлиниши мумкин. бәзи кишиләр чүчүкбуйа истемал қилишқа техиму сәзгүр болуши мумкин. шуңа, уни еһтийат билән ишлитиш керәк.

• лимон

йерим лимонни бир истакан суға сиқип, бу ичимликни уда бирқанчә һәптә күндә 2-3 қетим ичип бериш, җигәрни май қаплаш кесәлликигә пайдилиқтур.

• персейә нәшпүти вә маймун шаптули

һәр һәптидә тәртиплик персейә нәшпүти истемал қилғанда, җигәрни май қаплашниң алдини алғили болиду. җигәргә пайдилиқ персейә нәшпүтини күндүзи мәлум арилиқта истемал қилишқа болиду. маймун шаптулиму җигәргә пайдилиқ бир мевидур.

• алма сиркиси

бир истакан илман суға бир қошуқ тәбиий алма сиркисини қошуп, тамақтин бурун, күндә икки қетим ичишниң үнүми йуқири. әгәр халисиңиз, бир қошуқ һәсәл қошуп ичсиңизму болиду. бу усулниң ишқа йариши үчүн, бу усулни чоқум 1-2 ай тәртиплик давамлаштурушиңиз керәк.

• зәрчивә

1 чай қошуқи зәрчивә талқинини бир истакан суда қайнитип, күндә икки қетим уда бир нәччә һәптә ичсиңиз болиду.

 • мамкап

бир истакан қизиқ суға 1 һәсәл қошуқи қурутулған мамкапни селип, 5-10 минут қайнатқандин кейин, ичиң. бу өсүмлүк чайни уда бир нәччә һәптә ичишиңиз керәк. лекин, һамилдар йаки дийабит бимарлири мамкаптин йирақ туруши керәк.

• йешил чай

һәр күни тәртиплик һалда 2-3 истакан йешил чай ичип бериш, һараққа хумар болуп қалмиған җигәрдики май қаплаш кесәлликигә пайдилиқтур.

• көктатлар

җигәрни май қаплиған әһвал астида, көктат, мевә қатарлиқ талалиқ йемәкликләрни истемал қилиш миқдарини ашуруш, күнигә кәм дегәндә 5 тәхсә көктат вә мевә истемал қилиш керәк.

бирйуссел капустиси, пийаз, күдә, окра, кава, паләк, туруп, чоң йопурмақлиқ қизилча, аргула, пурчақ, гүлкәрәм қатарлиқ көктатларниң тала миқдари йуқири болғачқа чоқум истемал қилиш керәк.

болупму татлиқ зәнҗивил вә кәрәпшә қатарлиқ җигәргә пайдилиқ йемәкликләрни муһим узуқлуқлар тизимликигә киргүзүш керәк. татлиқ зәнҗивилниң әң муһим алаһидилики, җигәрни тазилап, өт суйуқлуқиниң асан еқишиға капаләтлик қилишидур.

• самсақ

хам самсақ җигәрни қоғдаш хусусийитигә игә болуп, җигирини май қаплаш кесилигә гириптар болғанларниң җигәр сағламлиқини йахшилайду. хам самсақ йейиш арқилиқ җигәр ракиниң алдини алғили болиду.

• зәнҗивил вә зәрчивә

булар җигәрни май қаплаш кесилигә гириптар болған кишиләрдә җигәрдики йарини азайтип, холестерин, қандики қәнт вә йаллуғни төвәнлитиду.

• күмүш өрүк

җигәрни май қаплаш кесәлликлирини давалашта шипалиқ өсүмлүк толуқлимиси һесаблиниду.

• адәмгийаһ

җигәрниң бузулушидин сақлиништа йардәмчи болуши мумкин. лекин, дорилар билән бирликтә истемал қилғанда, адәмгийаһниң  әкс тәсир қозғаш хәвпи бардур.

• чениқиш

җигирини май қаплиған кишиләр даим меңип бериши вә чениқиши керәк. һәр күни тәртиплик меңип бәргәндә, җигәрни май қаплашниң алдини алғили болиду.

• хуха

һарақни көп ичиш вә өт мәнбәлик җигәр қетишиш сәвәбидин җигәрни май қаплаш кесилигә гириптар болған кишиләргә пайдилиқтур.

• бәлизгүл

һәр күни икки қетим бәлизгүл чейи ичип бериш арқилиқ  майлиқ җигәрдин қутулалайсиз. бәлизгүл чейи даим истемал қилинса, үнүми техиму йахши болиду, һәмдә мушу типтики кесәлликләрниму бир тәрәп қилиду.

• һарақ ичмәң

һарақ толуқ мәнидин ейтқанда җигәрниң дүшминидур. һарақ җигәргә көп зийан йәткүзиду؛ җүмлидин, май қаплап кетишни кәлтүрүп чиқириду, һәмдә җигәр һүҗәйрилирини өлтүриду. буниң нәтиҗисидә, һарақ җигәргә әслигә кәлтүргили болмайдиған зийанларни елип келиду.

• тәбиий йемәкликләр

җигәрниң йүкини йениклитиш үчүн, тәбиий йемәкликләрни истемал қилиш, имканқәдәр хуручлардин йирақ тутуш керәк.

• йаңақ, орман йаңиқи қатарлиқ майлиқ уруқларни даим истемал қилиш керәк.