җигәрни май қаплаш кесәлликини тәбиий давалаш усуллири

( доктор мәһмәт учар)

җигәрни май қаплаш, җигәр һүҗәйрисидә артуқчә май ​​йиғилиш нәтиҗисидә көрүлидиған кесәлликтур.

җигәрни май қаплаш, җәмийәттики әң көп учрайдиған кесәлликләрниң бири. болупму бәдән еғирлиқи мәлум дәриҗидә  ешип кәткәндин кейин, җигәрни май қаплаш тәрәққий қилиду. җигәрни май қаплашниң сәвәблири һәммә адәмдә охшаш болмайду.

җигәрни май қаплаш дегән немә?

җигәр һүҗәйрисидә майниң йиғилишини кәлтүрүп чиқиридиған көп хил әһвал бар. булар;

• пишшиқлап ишләнгән карбон су бирикмилирини көп истемал қилиш,

• шекәр вә майлиқ йемәкликләрни ​​ көп истемал қилиш,

• ақсилни аз истемал қилиш,

• витамин A ни көп истемал қилиш,

• тамака чекиш вә һарақ ичиш,

• инсулинға қарши туруш,

• бәдән еғирлиқи ешип кетиш вә семизлик,

• бинормал дийәт сәвәбидин бирдинла адәттин ташқири дәриҗидә оруқлаш,

• йуқири қан бесим,

• һәрикәттин халий һайат.

әгәр җигәрни май қаплаш қатарлиқ бир шикайитиңизниң барлиқидин гуманлансиңиз, алди билән чоқум дохтурға көрүнүшиңиз, өзиңизни тәкшүртишиңиз, дохтурниң агаһландурушиға асасән давалаш җәрйанини башлишиңиз керәк.

җигәрни май қаплаш кесәлликини тәбиий давалаш усуллири  төвәндикичә:

• лимон

йерим лимонни бир истакан суға сиқип, бу ичимликни уда бирқанчә һәптә күндә 2-3 қетим ичип бериш, җигәрни май қаплаш кесәлликигә пайдилиқтур.

• алма сиркиси

бир истакан илман суға бир қошуқ тәбиий алма сиркисини қошуп, тамақтин бурун, күндә икки қетим  ичишниң үнүми йуқири. әгәр халисиңиз, бир қошуқ һәсәл қошуп ичсиңизму болиду. бу усулниң ишқа йариши үчүн, бу усулни чоқум 1-2 ай тәртиплик давамлаштурушиңиз керәк.

• зәрчивә

1 чай қошуқи зәрчивә талқинини бир истакан суда қайнитип, күндә икки қетим уда бир нәччә һәптә ичсиңиз болиду.

• мамкап

бир истакан қизиқ суға 1 һәсәл қошуқи қурутулған мамкапни селип, 5-10 минут қайнатқандин кейин, ичиң. бу өсүмлүк чайни уда бир нәччә һәптә ичишиңиз керәк. лекин, һамилдар йаки дийабит бимарлири мамкаптин йирақ туруши керәк.

• йешил чай

һәр күни даим 2-3 истакан йешил чай ичип бериш, һараққа хумар болуп қалмиған җигәрдики май қаплаш кесәлликигә пайдилиқтур.

• бәлизгүл

һәр күни икки қетим бәлизгүл чейи ичип бериш арқилиқ  майлиқ җигәрдин қутулалайсиз. бәлизгүл чейи даим истемал қилинса, үнүми техиму йахши болиду, һәмдә мушу типтики кесәлликләрниму бир тәрәп қилиду.

• турмуш усулини өзгәртиш

сағлам озуқлиниш вә чениқишниң дәсләпки җигәр кесәлликлириниң алдини елишта үнүми наһайити йуқиридур. омумий бәдән еғирлиқиниң кәм дегәндә% 5 идин қутулуш арқилиқ җигәрдики май қаплашни азайтқили болиду. лекин,  бәдән еғирлиқи адәттин ташқири дәриҗидә йуқири йаки семиз кишиләрни кәм дегәндә% 10  уруқлиниш нишан қилиниши керәк.

• чениқиш

чениқиш билән шуғуллиниш һәддидин зийадә бәдән еғирлиқидин қутулуш вә тәбиий һалда җигәрни май қаплаштин халас тапқузуш ролиға игә. даим чениқиш арқилиқ бундақ шикайәтләрдин қисқа вақит ичидә қутулалайсиз.

чениқиш җигәрниң йағ миқдарини төвәнлитидиған болғачқа, бимарлар үчүн һәр һәптидә 150-300 минут оттураһал сәвийәдә чениқиши, йаки 75-150 минутлуқ күчлүк һәрикәт қилиши тәвсийә қилиниду.

• шипалиқ өсүмлүк дорилири

җигәрни май қаплаш кесәлликини давалашта әң көп ишлитилидиған өсүмлүк толуқлимилири ичидә чоң хоха тикән, татлиқ зәнҗивил вә зәрчивә қатарлиқлар бар.  татлиқ зәнҗивилни даим истемал қилип бериш арқилиқ  җигәрдики майни азайтқили болиду.

• самсақ

бир тәтқиқатта, самсақни ишлитиш арқилиқ җигәрдики майни азайтқили болидиғанлиқи испатланған. лекин, шуни унтуп қалмаслиқ керәкки, контролсиз ишлитиш (қанаш хәвипи дегәндәк) еғир әһвалларни кәлтүрүп чиқириду.

• омега -3 йағ кислаталири

дийәттә, салмон белиқи, сардин белиқи вә йаңақ қатарлиқ омега -3 узуқлуқ мәнбәлириниң болуши, җигәрдики йағни азайтишқа йардәм бериду.

• бирокколи

• йаңақ

бир тәтқиқатта, җигирини май қапливалған кишиләр йаңақни истемал қилғанда, уларниң җигәр иқтидариниң йахшиланғанлиқи испатланған.

• персейә нәшпүти

тәтқиқатларда айан болушичә, персейә нәшпүтиниң тәркибидә җигәрни май қаплаш кесәлликини давалашта астилитидиған химийәлик маддилар бар икән. буниңдин башқа йәнә, персейә нәшпүтиниң тала тәркиби арқилиқ бәдән еғирлиқини контрол қилғили болидикән.

• йавропа кәрәпшиси шәрбити

җигәрни май қаплашниң алдини елиш үчүн, әтигән тәрәпләрдә лимон - йавропа кәрәпшиси шәрбити тәвсийә қилиниду. 15-16 тал йавропа кәрәпшиси постини мевә шәрбити чиқириш машнисида сиқип, ичигә бир нәччә тамчә лимон сүйи илавә қилғандин кейин, йерим истакан суға қошуп, лимон - йавропа кәрәпшиси шәрбити тәййарлиниду. бу шәрбәтни һәр күни әтигәндә 1 ай әтрапида ичип бәрсиңиз, җигәрни май қаплаш кесәлликигә пайдилиқтур.

•  қизил ейқүзүмидинму  җигәрни май қаплаш кесәлликини давалашта пайдилинишқа болиду.