султан әһмәд җамәси

биливелиң - 16

1753213
султан әһмәд җамәси

истанбулдики султан әһмәд җамәсиниң пүткүл дунйаға тонушлуқ икәнликини биләмсиз?

истанбулдики бир мәйданғиму нами берилгән султан әһмәд җамәси, 17-әсирдики муһим бинакарлиқ сәнити йадикарлиқлиридин биридур. топкапи сарийи вә айасофйа җамәсиниң удулиға җайлашқан бу һәйвәтлик бина, султан 1 - әһмәдниң пәрманиға асасән, ашу дәврниң баш бинакари сәдәфкар мәһмәт аға тәрипидин йасалған надир йадикарлиқтур. бу җамәниң қурулуши 1609-йили башланған, 1617-йили тамамланған болуп, османли империйәси дәвридики алтә мунарлиқ бирдинбир җамәдур. османли империйәсиниң барлиқ җамәлиридә әң муһим унсурлардин бири болған гүмбәз, султан әһмәд җамәсидә техиму һәйвәтликтур. султан әһмәд җамәсидин орун алған 260 деризилик чоң гүмбәз, худди һаваға есип қойулғандәкла көрүниду. бу җамәниң  башқа җамәләрдин алаһидә пәрқлинидиған тәрипи, униң адәттин ташқири дәриҗидә йоруқ вә саһәсиниң кәң һәм һузурлуқ болушидур.  

 ички - ташқи безәклири билән пәқәт түркийәдила әмәс, көплигән дөләтләрдиму өзини тонутушқа муйәссәр болған султан әһмәд җамәси, көк, йешил вә ақ рәңлик миңларчә изник сапал қачилири билән зиннәтләнгәнлики үчүн, түркийә сиртида «Blue Mosque көк җамә» дәп аталған. бирләшкән дөләтләр тәшкилати маарип, илим-пән вә мәдәнийәт оргини (UNESCO) тәрипидин дунйа мәдәнийәт мираслири тизимликигә киргүзүлгән бу бина, түркийәниң тарихий байлиқиниң муһим тәркибий қисмидур.



مۇناسىۋەتلىك خەۋەرلەر