һәҗми қум данчисичилик келидиған учар өзәкләр

йеңи шәйиләр гүзәл болиду - 12

1735293
һәҗми қум данчисичилик келидиған учар өзәкләр

(гамзә дәмәч сибич)

һазирғичә тәрәққий қилдурулуп, йасап чиқилған қанатлиқ микро өзәкләр арисидики һәҗми әң кичик болған вә һәр бири тәхминән бир қум данчисичилик келидиған микро өзәкләр, һаман бир күни һаваниң булғиниши вә буниң нәтиҗисидә оттуриға чиқидиған кесәлликләрни көзитип, ениқлап чиқишта муһим рол ойниши мумкин.

алимлар, микро өзәкләрни лайиһәлигәндә шамал билән бирликтә учуп кетидиған уруқларниң  айродинамикиси (бошлуқта учуш қанунийити) ни тәтқиқ қилди вә буниңдин илһам алди.  бу лайиһә, учар өзәкләрниң кәң бир саһәни айлинип чиқишида, һәмдә һавани техиму йахши көзитиш үчүн, униң һавада узун вақит туралишида түрткилик рол ойнайду, әлвәттә.

иллиноис иштатидики Northwestern  (ғәрбий шимал) университетиниң материйал алими җон роҗерс вә униң кәспдашлири,  учар микро өзәкләрни ишләпчиқиришта, үч өлчәмлик балилар китаблиридинму илһам алди.

улар алди билән үскүниләрни түз асма рәсим қилип шәкилләндүрди, андин сәл созулған кремний кавчук йапрақчисиға чаплиди, йапрақчә йумшиған чағда үскүниләр пүкүлди вә уларниң назук қанатлири үч өлчәмлик шәкилгә кирди.

алимлар йеқин кәлгүсидә, һавадики зәрричиләрни байқаш үчүн електир еқимлири, су сүпитини  көзитиш үчүн сензорлар, қуйаш нурини өлчәш үчүн нур тәкшүргүчләр, нурдин енергийә йиғиш вә сақлаш  үчүн мәркизий бир тәрәп қилғуч, санлиқ мәлумат амбири вә симсиз антенна қатарлиқ һәрхил електронлуқ запчасларни микро өзәкләргә бирләштүрәләйду.

мәнбәси: түркийә илмий вә технологийәлик тәтқиқат орни.

темиға мунасивәтлик рәсимләрни тор бетимиз www.trt.net.tr дин көрәләйсиләр.



مۇناسىۋەتلىك خەۋەرلەر