ghazianteptiki yesemek üsti ochuq muzéyi
biliwéling - 6
(didem güneri)
ghaziantepte texminen 3 ming yillar burunqi dewrge ait heykeltirashliq séxining barliqini bilemsiz?
türkiyening sherqiy jenubiy anadolu rayonigha jaylashqan ghaziantep wilayitidiki yesemek üsti ochuq muzéyi we heykeltirashliq séxi, texminen üch ming yil ilgiri hitit impériyesi dewride échilghan, yéqin sherqtiki eng chong tash we heykeltirashliq séxi idi. 1890-yili bayqalghan bu rayon, yéqinda ghaziantep muzéy idarisi teripidin üsti ochuq muzéygha aylanduruldi.
nechche yüz parche sizma resimler yer astidin chiqirilip, melum tertip boyiche körgezme qilinghan yesemek üsti ochuq muzéyda, sizma resimlerning köpinchisini ishik shirliri teshkil qilidu. tonlarche éghirliqtiki 518 heykel körgezme qilinghan üsti ochuq muzéyda, adem bashliq shirlar, ishik shirliri, olturuwatqan shirlar, qanatliq shirlar, tagh tengrisi qapartmiliri, jeng meydanliri we binakarliq asareetiqeliri körgezme qilinmaqta.
birleshken döletler teshkilati maarip, ilim-pen we medeniyet orgini (UNESCO) ning dunya medeniyet mirasliri tizimlikidin orun alghan we her yili dunyaning herqaysi jayliridin kelgen sayahetchilerni kütüwalidighan yesemek üsti ochuq muzéyi we heykeltirashliq séxini, 2021-yilimu «kowid – 19» yuqumigha qarimay, texminen 15 ming sayahetchi ziyaret qildi.
