olimpik musabiqiliride türkiye
didem güneri teripidin teyyarlanghan «biliwéling» namliq pirogrammimizning bügünki sanida «olimpik musabiqiliride türkiye» dégen témidiki uchurlarni siler bilen ortaqlishimiz.
türkiyening olimpik tenheriket musabiqlirige tunji qétim 1908 – yili qatqashqanliqini anglighanmidingiz?
1896-yili bashlanghan zamaniwi olimpik tenheriket musabiqisining 10 yilliqi munasiwiti bilen 1906-yili atinada ötküzülgen «ottura olimpik tenheriket musabiqisi» ge tenheriketchilerni ewetken osmanli impériyesining tunji resmiy ishtirak qilishi ikki yildin kéyin ishqa ashti. 1908-yili bügünki türkiye döletlik olimpik komitétining asasini teshkil qilghan osmanli memliketlik olimpik jemiyiti quruldi we türkiye olimpik musabiqisige resmiy wekillik qilish hoquqigha érishti. 1908-yilliq olimpik tenheriket musabiqisige qatnashqan gimnastika mahiri aleko mulos, olimpik musabiqiside türkiyege resmiy wekillik qilghan tunji tenheriketchi bolup qaldi.
türkiyening olimpik tarixidiki tunji altun médali 1936-yili bérlinda chélishish mahiri yashar erkan teripidin qolgha keltürüldi. olimpik musabiqisige qatnashqan türk tenheriketchiliri, 1936-yildin bashlap qatnashqan yazliq olimpik tenheriket musabiqisining hemmiside dégüdek derijige érishishke muweppeq boldi. tokyo 2020 olimpik tenheriket musabiqisi bolsa, türkiye 13 médal bilen eng köp médalgha érishken musabiqe boldi.