олимпик мусабиқилиридә түркийә
дидәм гүнәри тәрипидин тәййарланған «биливелиң» намлиқ пирограммимизниң бүгүнки санида «олимпик мусабиқилиридә түркийә» дегән темидики учурларни силәр билән ортақлишимиз.
түркийәниң олимпик тәнһәрикәт мусабиқлиригә тунҗи қетим 1908 – йили қатқашқанлиқини аңлиғанмидиңиз?
1896-йили башланған заманиви олимпик тәнһәрикәт мусабиқисиниң 10 йиллиқи мунасивити билән 1906-йили атинада өткүзүлгән «оттура олимпик тәнһәрикәт мусабиқиси» гә тәнһәрикәтчиләрни әвәткән османли империйәсиниң тунҗи рәсмий иштирак қилиши икки йилдин кейин ишқа ашти. 1908-йили бүгүнки түркийә дөләтлик олимпик комитетиниң асасини тәшкил қилған османли мәмликәтлик олимпик җәмийити қурулди вә түркийә олимпик мусабиқисигә рәсмий вәкиллик қилиш һоқуқиға еришти. 1908-йиллиқ олимпик тәнһәрикәт мусабиқисигә қатнашқан гимнастика маһири аләко мулос, олимпик мусабиқисидә түркийәгә рәсмий вәкиллик қилған тунҗи тәнһәрикәтчи болуп қалди.
түркийәниң олимпик тарихидики тунҗи алтун медали 1936-йили берлинда челишиш маһири йашар әркан тәрипидин қолға кәлтүрүлди. олимпик мусабиқисигә қатнашқан түрк тәнһәрикәтчилири, 1936-йилдин башлап қатнашқан йазлиқ олимпик тәнһәрикәт мусабиқисиниң һәммисидә дегүдәк дәриҗигә еришишкә мувәппәқ болди. токйо 2020 олимпик тәнһәрикәт мусабиқиси болса, түркийә 13 медал билән әң көп медалға еришкән мусабиқә болди.