penche chaqmaq we chaqmaq herikti
küntertip we analiz (70)
penche chaqmaq we chaqmaq herikti
küntertip we analiz (70)
(jan ajun)
hörmetlik radiyo anglighuchilar! «küntertip we analiz» namliq pirogrammimizning bügünki bölümide siyaset, iqtisad we jemiyet tetqiqatliri fondi jemiyiti «SETA» ning tashqi siyaset tetqiqatchisi jan ajun teripidin teyyarlanghan «penche chaqmaq we chaqmaq herikti» témiliq analizni diqqitinglargha sunimiz.
**** **** ** **** * *****
türkiyening p k k térorluq teshkilatigha qarshi kürishi qetiylik bilen dawamlashmaqta. dölet mudapie ministirliqi iraqning shimalida penche chaqmaq we chaqmaq heriketlirini bashlanghanliqini élan qildi. ilgirimu etiyaz we yaz aylirining kirishi bilen teng türkiyening iraqta keng kölemlik chong heriketlerni élip baridighanliqi mölcherlenmekte idi.
türkiye p k k térorluq teshkilatigha qarshi kürishini hem memliket miqyasida, hem chégra sirtida, iraq we süriye qatarliq bu teshkilat baza qilghan rayonlarda qetiylik bilen dawamlashturmaqta. térorluq teshkilatigha qarshi meydan bésimini asas qilghan qaqshatquch bérish usulini yolgha qoymaqta. bu istratégiyening yéqinqi yillarda chong netijilerni qolgha keltürgenlikini körmektimiz. mesilen teshkilatning türkiye ichide heriket qilish iqtidari zor derijide töwenlitildi we yéza-qishlaqlardiki teshkilat ezalirining sanimu 300 din azlidi.
lékin türkiyening térorluq teshkilati p k k gha qarshi asasliq kürishi iraq-süriye liniyeside dawamlashmaqta. türkiyening bu rayonlarda teshkilatning mewjutluqigha munasiwetlik asasliq istratégiyesi, térorluq teshkilatining türkiye chégra siziqidin chékinishini, meydan kontrolluqi we zémin kontrolluqigha xatime bérip, iraq-süriye liniyesidiki alaqisini pütünley üzüp tashlashni asas qilidu.
bu jehette türkiye qoralliq qisimliri iraqning shimalidiki metina, awashin-basyan rayonlirigha qarita yéngi bir herbiy heriket bashlidi. penche chaqmaq we chaqmaq herikiti dairiside, türkiye térorluq teshkilati p k k ni iraqning shimalidiki taghliq rayonlardin pütünley tazilashqa tirishmaqta. hawa we quruqluq armiyesi teng birla waqitta ishqa sélinghan bu heriketlerde öz nöwitide yene, ayropilan bilen eskerlerni chüshürüsh arqiliq rayondiki istratégiyilik tagh choqilirigha alahide qisim we qomandanliq qisimliri orunlashturulmaqta. buningdin türkiye qoralliq qisimlirining bu yerdiki istratégiyilik tagh choqilirini kontrolluqigha élip, andin asasliq bazilirini quridighanliqini perez qilalaymiz. bu arqiliq türkiyening chégra liniyesining bixeterliki kapaletke ige qilinidu we teshkilatning rayondiki meshiq sahesi, qomandanliq we kontrolluq merkezliri bitchit qilinidu. hazirgha qeder rayonda p k k unsurliri körünerlik derijide qarshiliq körsitelmidi. teshkilatning rayondiki mudapie liniyesi keng kölemde weyran qilindi we texminen 60 qa yéqin teshkilat ezasi ujuqturuldi.
türkiye qoralliq qisimlirining rayon hakimiyitini alqinigha alghandin kéyin, 2021-yilining qalghan qismida téximu jenubtiki garé rayonigha we axirida qandilgha qarita chong bir herbiy heriket élip bardighanliqinimu aldin kölarüwalalaymiz. buningdin bashqa yene iraqning sinjar rayonidiki özgirishlermu türkiyening közitishi astida turmaqta. eger bu rayonda baghdat we erbil dairiliri bilen hasil qilinghan kélishimge binaen térrorluq teshkilati p k k ning barliq tarmaq unsurliri toluq tazilanmaydighan bolsa, türkiye qoralliq qisimlirining sinjarnimu heriket nishani qilishi turghanla gep.
