türkiyening ottura asiya jumhuriyetliri bilen bolghan hawa alaqisining dairisi kéngeymekte

türkiyening ottura asiya jumhuriyetliri bilen bolghan hawa alaqisi we bu sahege séliniwatqan mebleghler

abdresul ishaqow

2021-yili, 21-mart küni qazaqistan jumhuriyitining türkistan shehiridiki xelqara hezret sultan ayrodurumidin istanbulgha tunji ayropilan sepiri ishqa ashuruldi. bu, xelqara hezret sultan ayrodurumidin chet elge ishqa ashurulghan tunji xelqaraliq ayropilan sepiri bolup qaldi. FlyArystan awiyatsiye shirkiti, türkistandin istanbulgha heptide ikki qétim ayropilan sepirini ishqa ashuridu. waqitning ötüshige egiship, buning heptide yette qétimqa chiqirilishi nishan qilinmaqta. 2020-yili, 1 – dékabir küni échilghan xelqara hezret sultan ayrodurumi, qazaqistanning musteqilliq yillirida yéngi yasalghan tunji ayrodurumi hésablinidu. bu ayrodurum, xelqara aqtaw ayrodurumini bashquridighan YDA goruhi teripidin  yasaldi.

2021-yili, 25-mart küni, qirghizistan xelqara manas ayrodurumi éti bakir téreksay shirkiti bilen jalalabad wilayitining toguz toro wilayitige jaylashqan kerben ayrodurumini kéngeytish we rémont qilish toghrisida körüshti. éti bakir téreksay shirkiti bu ayrodurumgha meblegh sélish arqiliq uni yerliktin xelqaraliq ayrodurum sewiyesige yetküzüshni pilanlimaqta. 1979-yili yasalghan ayrodurumni qirghizistan hökümiti 2019-yili  rémunt qildurghan, emma ayropilan seperliri téxi ishqa ashurulmighanidi. shuni izahlash hajetki, éti bakir téreksay shirkitining % 75 lik fond ülüshi türk éti ​​ shirkitige ait bolup, bu shirket qirghizistandiki  térek, térekkan we parewalone kanlirini ishletmekte.

shu küni özbékistan jumhuriyiti ferghane waliy mehkimisi axbarat wasitiliri mulazimet orgini, türkiye hawa yolliri shirkitining türkiyedin ferghane shehirige biwasite ayropilan seperlirini ishqa ashuridighanliqini uqturdi. türkiye hawa yolliri shirkitining özbékistan shöbisining mudiri sélim qahraman bashchiliqidiki heyet, ferghane ayrodurumini közdin kechürüsh üchün  sheherge ketti. uchrishishta, ayrodurum mulazimiti mesilisimu muzakire qilindi. shuning bilen, türkiyedin özbékistanning yette shehirige ayropilan bilen barghili bolushtek yaxshi sharait yaritildi.

türk shirketlirining ottura asiya jumhuriyetliridiki awiyatsiye sahesige salghan mebleghliri buningdin nechche yil ilgiri bashlanghanidi. TAV ayrodurumliri guruhi, aldinqi yili xelqara almuta ayrodurumining tijaret ijazetnamisini aldi. kiklop qurulush cheklik shirkiti, özbékistanning semerqent ayrodurumini rémont qildi. yene bir türk shirkiti bolghan alarko guruhi, türkmenistanda ashxabat ayrodurumini, özbékistanda semerqent, buxara we urgench ayrodurumlirini,  qazaqistanda nursultan ayrodurumini yasidi. mart éyidiki eng yéngi özgirishlerge egiship, türk shirketlirining ottura asiya jumhuriyetlirining awiyatsiye sahesige salghan mebleghliri we élip bériwatqan paaliyetliri muqim halette ashmaqta.

türkiye hawa yolliri shirkiti, özbékistanning 7 shehirige, türkmenistan we qazaqistanning 2 shehirige, qirghizistan we tajikistanning  birer shehirige ayropilan seperlirini ishqa ashurmaqta. buningdin bashqa yene, Pegasus  hawa yolliri shirkitimu, qirghizistan we qazaqistangha ayropilan seperlirini ishqa ashurmaqta. oxshash shekilde, ottura asiya jumhuriyetlirining her bir hawa yolliri shirketliri,  türkiyening istanbul we antalya sheherlirige ayropilan seperlirini ishqa ashurmaqta.

awiyatsiye sahesidiki bu hemkarliqning dairisining kéyinki yillarda yéngi upuqlarghiche kéngiyishige egiship, tik uchar, ayropilan we uchquchisiz hawa apparatlirini ortaq ishlepchiqirish imkaniyiti yaritilidu, dep éytishqa bolidu. chünki bu yoshurun küch türk jumhuriyetliride mewjuttur.