جون تىننىسۋۇد ئۇزۇن ئۆمۈر كۆرۈشنىڭ سىرىنى ئاشكارىلىدى

تۈركىيە ئاۋازى رادىيوسى خەۋىرى: ئەنگلىيەدە چىقىدىغان «قۇياش گېزىتى» دۇنيادىكى يېشى ئەڭ چوڭ جون تىننىسۋۇد توغرىسىدا خەۋەر ئېلان قىلدى.

جون تىننىسۋۇد 1912-يىلى تۇغۇلغان بولۇپ، ئۇ ئۇزۇن ئۆمۈر كۆرۈشنىڭ سىرىنى «ھەممە ئىشنى مۇۋاپىق قىلىش» دەپ خۇلاسىلەيدۇ.

ئۇ ھەر جۈمە كۈنى بېلىق ۋە بەرەڭگە قىزارتمىسى يەيدۇ. كۈنىنى جانلىق ئۆتكۈزىدۇ.

ئۇ ئىككىنچى دۇنيا ئۇرۇشى (1939-1945) غا  غا قاتناشقان ۋە بوغالتىرلىق پېنسىيونىرى. ئۇ 2020-يىلى 25-سېنتەبىردىن باشلاپ ئەنگلىيەدىكى يېشى ئەڭ چوڭ كىشى دېگەن ئۇنۋانغا ئىگە بولغان ئىدى.

ئۇ ئەنگلىيە ئايال پادىشاھى 2-ئېلېزابېت بىلەن ئىككى قېتىم كۆرۈشكەن. ئۆتكەن يىلىقى تۇغۇلغان كۈنىدە، پادىشاھ 3-چارلېز ۋە خانىش كامىللادىن تەبرىك كارتى تاپشۇرۇۋالغان ئىدى.