йунус әмрә институтиниң афғанистандики сөһбәт йиғинлири давам қилмақта
йунус әмрә институти афғанистанниң пайтәхти кабулда университет оқуғучилири үчүн уйуштуруп келиватқан қиммәт қараш тәрбийәси тоғрисидики сөһбәт йиғининиң 5-қетимлиқини өткүзди.
2069653
түркийә авази радийоси хәвири: йунус әмрә институти кабул ишханиси һәр айда охшимиған бир университетта қиммәт қараш тәрбийәси сөһбәт йиғини уйуштуруп кәлмәктә.
вәтәнпәрвәрлик, вападарлиқ, мәсулийәт, үмид, муһәббәт-һөрмәт, бирлик – баравәрлик, адаләт, һәқиқәт, рәһим-шәпқәт вә сәврчанлиқ дегәндәк темиларни чөридәп уйуштурулуватқан 10 бөлүмлүк йүрүшлүк сөһбәт йиғинлириниң «сәврчанлиқ» темилиқ 5 – бөлүми кабул тәлим - тәрбийә университетида өткүзүлди.
өз саһәсиниң мутәхәссис тәтқиқатчилири вә йазғучилар лексийә сөзлигән сөһбәт йиғиниға 100 әтрапида афғанистанлиқ оқуғучи қатнашти.
йиғин ахирида, соалларға тоғра җаваб бәргән оқуғучиларға қуран кәрим совға қилинди.