дунйа бойичә әң балдур туғулған қошкезәкләр «җинис дунйа рекорти қамуси» ға киргүзүлди

түркийә авази радийоси хәвири: туғулуштин бурун сақ – саламәт туғулалмайдиғанлиқи билдүрүлгән қошкезәкләр өткән йили (2022) 4-март муддәттин 126 күн бурун дунйаға кәлди.

буниңдин илгири 2018-йили америка қошма иштатлириниң иова иштатида 125 күн балдур туғулған қошкезәкләр «җинис дунйа рекорти қамуси» ға киргүзүлгәниди.

мәлуматларға қариғанда, нормал һамилидарлиқ адәттә 40 һәптә давамлишидикән. канадада туғулған қошкезәкләрниң әһвали болса уларниң муддәттин 18 һәптә бурун туғулғанлиқини көрситидикән.

туғулған вақитта қиз бовақ адийаһ 330 гирам, униң оғул қериндиши адрийал болса 420 гирам икән. бу икки қошкезәкниң омумий еғирлиқи 750 гирам болуп, бу иккиси һазирғичә әң йеник һаләттә туғулған қошкезәк һесаблинидикән.

дәсләпки еғир сағламлиқ мәсилисигә қаримай, адийаһ билән адрийал һазир бир йашқа киргән.