әзәрбәйҗанда «кесишиш» намлиқ филим қизғин алқишиға еришмәктә

түркийә авази радийоси хәвири: әзәрбәйҗанниң пайтәхти бакудики көплигән киноханиларда қойулуватқан «кесишиш: әрән, мәвҗутлуқуң немидегән гүзәл» намлиқ филимни, түркийәниң бакуда турушлуқ баш әлчиси җаһит бағҗи, баш әлчихана мәслиһәтчиси вә хизмәтчи – хадимлириму көрди.

баш әлчи бағҗи, филимни көргәндин кейин елан қилған байанатида, филимниң түркийәниң 30 йиллиқ терроризмға қарши күрәш тарихини йорутуп беридиған һессийатлиқ филим икәнликини, филимдә, һәр бири шеһит болған фәрһат гәдик, әрән бүлбүл вә фәтһи сәкин қатарлиқларниң һайати тонуштурулидиғанлиқини тәкитләп мундақ деди: «шәк – шүбһисизки, әрән бир символ иди, терроризмға қарши күрәшни қоллиған қәһриман иди, әскәр болмай туруп әскәрдәк ойлийалайдиған бир анадолу батури иди. у интайин һессийатчан иди, биз вақитниң қандақ өтүп кәткәнликини сәзмәйла қалдуқ. терроризмға қарши күрәш давамида һайатидин айрилған барлиқ шеһитлиримизға аллаһ тааладин рәһмәт тиләймән. бу филимниң қериндаш дөләт әзәрбәйҗандиму қойулуши наһайити зор әһмийәткә игә.»

«кесишиш: әрән, мәвҗутлуқуң немидегән гүзәл» намлиқ филимдә, трабзон вилайтиниң мачка наһийәсидә, 2017 – йили 11 – авғуст күни, террорчилар билән қәһриман түркийә қисимлири оттурисида йүз бәргән тоқунушта шеһит болған әрән бүлбүл вә йуқири дәриҗилик кәспий әскәр фәрһат гәдикниң иш излири тонуштурулиду.