jumhur reislik mehkimisining 2021-yilliq medeniyet-senet mukapatliri tarqitildi

türkiye awazi radiyosi xewiri: jumhur reis rejep tayyip erdoghan mukapatlarni berdi we murasimida söz qilip: «(pen – medeniyet saheside mukapatqa érishken) piroféssor doktor teoman durali ustazimizni ikki hepte ilgiri u dunyagha uzitip qoyduq. ustazimiz yerlik we milliy pozitsiyesi bilen ilim – érpan igisi, yéqinqi dewr yétishtürgen eng muhim ziyaliylarning biri idi» dédi.

erdoghan muzika saheside mukapatqa érishken pianino senetchisi idil biretning dölet ichi - sirtidiki konsértliri arqiliq muzika sahesini yüksek pellige kötürgenlikini éytti.

heykeltirash, sapal we eynek buyum layihiligüchisi alew ebuzziyaning körünüshlük senetler mukapatigha layiq körülgenlikini bildürgen erdoghan, kinochiliq saheside mukapatqa érishken juneyt arkinning türk kinochiliqining hazirqi haletke kélishige zor töhpe qoshqanliqini tekitlidi.

hösnxet saheside mukapatqa layiq körülgen xettat, zhurnalist we ressam ethem chalishqannimu tebrikligen erdoghan, edebiyat saheside zhurnalist we yazghuchi gurbuz azakning, kona kitabchiliq saheside ibrahim manawning mukapatqa érishkenlikini eskertti.

erdoghan  murasimdiki sözi jeryanida yene: «biz sadaqet mukapatimizni pikir dunyasigha eng küchlük tesir körsetken kishilerning biri bolghan kemal tahirgha bérimiz. u nurghun ziyaliylirimizgha ilham boldi» dégenlerni qeyt qildi.