kanadada ösümlük waksinasi yasaldi

türkiye awazi radiyosi xewiri: kanadaning médikago (Medicago) shirkiti bilen engliyening glakso smis klin (GlaxoSmithKline) dorigerlik shirkiti hemkarliship, ösümlükni asas qilghan wuxen wirusi waksinasi yasidi.

igilinishche, bu waksina merkizi kanadaning kuéék ishtatining kubék shehirige jaylashqan médikago shirkiti bilen engliye dorigerlik shirkiti glakso smis klin hemkarliship yasighan bolup, 3-basquchluq klinkiliq sinaq jeryanida yuqumlinishqa qarshi turush ünümining yuqiri ikenliki ispatlanghan.

shirketning élan qilghan bayanatida, waksinaning tetqiq qilinghan barliq wirus wariyantlirigha qarshi omumiy ünüm nisbitining %71 ikenliki bildürüldi.

kanada sehiye ministirliqigha zörür iltimaslarning sunulidighanliqi eskertilgen bayanatta, waksinaning ösümlük terkiplirige munasiwetlik tepsiliy uchurlar bérilmidi.

médikago bayanatchisi briyan word (Brian Ward) minstirliq ruxset qilghan ehwalda, waksinaning wirusqa oxshaydighan zerriche téxnologiyesidin paydilinip yasalghan tunji wuxen wirusi waksinasi we emlinishi testiqlanghan tunji ösümlükni asas qilghan waksina bolidighanliqini bildürdi.

u: «mezkur waksina kubék yaki kanada üchünla emes, belki dunya üchün tunji bolush alahidilikige ige. hazirghiche waksina emletmigenler we ikki shishe waksina emlitip üchinchi shishe waksinani emletmekchi bolghanlarning waksinamizgha muhim éhtiyaji chüshidu dep oylaymen» dédi.

waksina wuxen wirusigha oxshaydighan, emma génétikiliq matériyallar bolmighan, ösümlükni asas qilghan wirusqa oxshap kétidighan zerrichilerdin paydilinip yasalghan.

bayanatta bildürülishiche, waksina immunitét küchini ashurushqa yardem qilidiken.

médikagoning bayanatida, üchinchi basquchluq sinaq netijilirining pat yéqinda nopuzluq ilmiy zhurnalda élan qilinidighanliqi qeyt qilindi.