канадада өсүмлүк ваксинаси йасалди

түркийә авази радийоси хәвири: канаданиң медикаго (Medicago) ширкити билән әнглийәниң глаксо смис клин (GlaxoSmithKline) доригәрлик ширкити һәмкарлишип, өсүмлүкни асас қилған вухән вируси ваксинаси йасиди.

игилинишчә, бу ваксина мәркизи канаданиң куеек иштатиниң кубек шәһиригә җайлашқан медикаго ширкити билән әнглийә доригәрлик ширкити глаксо смис клин һәмкарлишип йасиған болуп, 3-басқучлуқ клинкилиқ синақ җәрйанида йуқумлинишқа қарши туруш үнүминиң йуқири икәнлики испатланған.

ширкәтниң елан қилған байанатида, ваксинаниң тәтқиқ қилинған барлиқ вирус варийантлириға қарши омумий үнүм нисбитиниң %71 икәнлики билдүрүлди.

канада сәһийә министирлиқиға зөрүр илтимасларниң сунулидиғанлиқи әскәртилгән байанатта, ваксинаниң өсүмлүк тәркиплиригә мунасивәтлик тәпсилий учурлар берилмиди.

медикаго байанатчиси брийан ворд (Brian Ward) минстирлиқ рухсәт қилған әһвалда, ваксинаниң вирусқа охшайдиған зәрричә технологийәсидин пайдилинип йасалған тунҗи вухән вируси ваксинаси вә әмлиниши тәстиқланған тунҗи өсүмлүкни асас қилған ваксина болидиғанлиқини билдүрди.

у: «мәзкур ваксина кубек йаки канада үчүнла әмәс, бәлки дунйа үчүн тунҗи болуш алаһидиликигә игә. һазирғичә ваксина әмләтмигәнләр вә икки шишә ваксина әмлитип үчинчи шишә ваксинани әмләтмәкчи болғанларниң ваксинамизға муһим еһтийаҗи чүшиду дәп ойлаймән» деди.

ваксина вухән вирусиға охшайдиған, әмма генетикилиқ материйаллар болмиған, өсүмлүкни асас қилған вирусқа охшап кетидиған зәрричиләрдин пайдилинип йасалған.

байанатта билдүрүлишичә, ваксина иммунитет күчини ашурушқа йардәм қилидикән.

медикагониң байанатида, үчинчи басқучлуқ синақ нәтиҗилириниң пат йеқинда нопузлуқ илмий журналда елан қилинидиғанлиқи қәйт қилинди.