seudi erebistanda tunji qétim xelqaraliq kino féstiwali ötküzüldi

türkiye awazi radiyosi xewiri:  qizil déngiz xelqara kino féstiwali 12-ayning 15-künigiche b d t maarip , ilim-pen we medeniyet teshkilati-yunéskoning dunya mirasi tizimlikige kirgüzülgen kona jiddede dawamlishidu.

féstiwalning échilish murasimigha, nurghunlighan yerlik we chet ellik senetkarlar we filim ishligüchiler qatnashti.

engiliyelik rézhissor jow rayt (Joe Wright) ning muzikiliq filimi «sirno» (Cirno) ning qoyulushi bilen bashlanghan féstiwal axirida, misirliq rézhissor amr selamning «métodtin chiqish» (Out of the Method) namliq filimi tamashibinlar bilen yüz körüshidu.

féstiwalda 67 dölettin 34 xil tilda 138 uzun we qisqa filimlerning körsitilishi pilan qilindi.

qizil déngiz xelqara kino féstiwali seudi erebistanda 2018-yili tunji kinoxana échilghandin kéyin, tunji xelqaraliq kino féstiwali bolush alahidilikige ige. féstiéwal eslide 2019-yili ötküzülüshi pilan qilinghan bolup, wuxen wirusi (Kovid-19) sewebidin 2021-yiligha kéchiktürülgen idi.

seudi erebistanda birinchi kinoxana weliehdi shahzade muhemmed bin selmanning buyruqi bilen 2018-yili échilghan idi.