wéngiriye alimliri mohach urushi yüz bergen jayni békitti
osmanlining yawropada ghelibe qilghan eng muhim ghelbiliridin biri dep qarilidighan we wéngiriyening osmanli hakimiyiti astigha kirishi bilen xulasilengen mohach urushi qilinghan jay békitildi.
türkiye awazi radiyosi xewiri: qanuni sultan sulayman qomandanliqidiki osmanli armiyesi bilen wéngiriye padshahi 2-layos qomandanliqidiki wéngiriye qoshuni otturisida, 1526-yili 29-awghust partlighan we ikki saet qisqa waqit ichide netijilengen mohach urushi bolghan jay, wéngiriye bilim ademliri teripidin békitildi.
wéngiriye bilim akadémiyesining iqtisadiy yardimi bilen 2018-yilida berch uniwérstéti (Pecs) ijtimaiy bilimler tetqiqat merkizi teripidin bashlanghan layihening mesuli we berch uniwérstéti oqutquchisi piroféssor doktor norbért pap (Norbert Pap): «mohach urushi bügünki wéngiriyening mohach shehirining jenubidiki bir jayda yüz berdi, emma wéngiriyede urushning zadi qaysi nuqtida bolghanliqi heqqide bir qanche yüz yildin buyan dawamlashqan munazire bar idi. tetqiqat netijiside, urushning földwar yézisining borza –majar sazliqi etrapida bolghanliqi otturigha chiqti. géo fizikiliq tekshürüshler rayonda ottura dewrge mensup ahale izlirini otturigha chiqardi. földwar yézisining tépilishi nahayiti muhim weqe boldi. u yerde arxéologiyelik tekshürüsh élip bérish lazim» dédi.
u wéngiriye padishahi padshahi 2-layosning shimalda séslé (Csele) rayonidiki sazliqta tunjuqup jénidin ayrilghanliqini bildürüp: «tetqiqatlirimizda bu yerni bayqiduq. buni türkiyediki tetqiqat menbelirimu testiqlaydu» dédi.
u rayonda ademlerning söngekliri kömülgen ikki jayni bayqighanliqlirini, bu jayda élip bérilidighan qézishlarda kolléktip mazarliqlarning tépilish éhtimalining yuqiri ikenlikini sözlirige ilawe qildi.
