сәуди әрәбистан өмрә қилидиғанлар үчүн йеңи бәлгилимиләрни чиқарди
сәуди әрәбистан вухән вируси (Kovid-19) тәдбирлири рамкисида, өмрә һәҗи қилидиған чәт әл пуқралириға йеңи шәртләрни йолға қойидиғанлиқини елан қилди.
түркийә авази радийоси хәвири: сәуди әрәбистан һөкүмити җәнубий африқада пәйда болған вә омикрон дәм нам берилгән вухән вируси варийанти тарқиливатқан бир пәйттә, йеңи чеградин кириш бәлгилимилирини елан қилди.
бу һәқтики байанатта, 18 дөләтниң пуқралириға ваксина әмләткән болсиму, чеградин киргүзүлмәйдиғанлиқи билдүрүлди.
бу дөләтләрниң, малави, замбийә, мадағасқар, ангола, коморлар, җәнубий африқа, намбийә, ботсвана, зимбабве, мозамбик, лесото, ефийопийә вә есватини икәнлики вә сәуди әрәбистанда йеңи варийантниң чоң әндишәләргә сәвәб болуватқанлиқи қәйт қилинди.
сәуди әрәбистан һәҗ вә өмрә министирлиқи байанат елан қилип, өмрә қилидиғанлар үчүн чиқирилған бәлгилимиләргә йеңидин түзүтүш киргүзди.
байанатта, сәуди әрәбистан тәрипидин етирап қилинған ваксиналарни әмләткәнләр карантин қилинмайду. әмма, сәуди әрәбистан етирап қилмиған ваксиналарни әмләткән йаки дунйа сәһийә тәшкилати етирап қилған ваксиналарни әмләткәнләр үч күн карантин қилиниду. карантин вақти ахирлашмиғанлардин мәнпий тәкшүрүш нәтиҗиси тәләп қилиниду. сәуди әрәбистан икки шишә файзер-бийонтек, комирнати, оксфорд астразенека, ковишилд, бийосайнис, ваксзеврийа, модерна, спикевакс, бир шишә җонсон вә җонсон ваксиналирини етирап қилиду.
