t r t world dunyadiki eng dangliq mukapatlargha érishti

t r t world (TRT World) ning eserliri dunyadiki eng dangliq axbarat mukapati bolghan «Lovie Awards» din üch mukapatqa érishti.

1735139
t r t world dunyadiki eng dangliq mukapatlargha érishti
trt world.jpg

türkiye awazi radiyosi xewiri: xelqara dijital senetliri we bilimliri akadémiyesi (IADAS) ning 11-nöwetlik «Lovie Awards» mukapatlirini tarqitish murasimigha, yawropadiki 30 dölettin minggha yiqin kishi qatnashti.

t r t worldning «sözleydighan bir hékayem bar» namliq dijital widéo qisimliq tiyatiri, «xilmu xilliq, barawerlik we keng dairilik» türide «altun lowi» mukapatigha layiq körüldi.

abdullah ilik teripidin süretke élinghan widéo qisimliq tiyatiri texminen 55 ming kishilik awaz tashlashta eng köp awazgha ériship, «People's Lovie Award» mukapatighimu érishti.

ehmetxan ishligen r t worldning yene bir mukapat namzati «ashiq jihadi» namliq widéomu «altun lowi» mukapatigha érishti. buningdin bashqa, siyaset katégoriyeside eng axirqi bahalashqa qaldi.

xelqara dijital senetliri we bilimliri akadémiyesi mudiriyitining bashliqi we POKE londonning ijadiy hemkarlashquchisi nikolas rup (Nicolas Roope): «t r t world öz türide munewwer bolup, reqemlik yéngiliq yaritish we ijadchanliqqa mahirliqini körsetti. bu mukapat uning ijadkarlirining mahariti, ijadchanliqi we tesewwurining ispati» dédi.

t r t world dijital mudiri ehmetxan el amraoyi mundaq dédi:

«altun lowi we pipols lowi iwords mukapatliri, t r t worldning bir qanche yil burun bashlighandin buyanqi eng yuqiri ölchemliri bilen, insaniy qimmetlerge ehmiyet béridighan axbaratchiliqni dawamlashturush muweppeqiyetlirini eks ettürüp béridu. muxbirlar, axbaratchilar, grafikchilar we layiheligüchilerdin terkip tapqan qoshunimiz, yerlik hékayilerni dunyadiki tamashibinlargha yetküzüsh muweppeqiyitini ispatlidi. xadimlirimizdin pexirlinimen we ularning téximu köp muweppeqiyetlerni qolgha keltüreleydighanliqigha ishinimen» dédi.

altun lowi mukapati téxnologiyede yéngiliq yaritidighanlardin teshkillengen «xelqaraliq teshkilat bolghan  xelqara dijital senetliri we bilimliri akadémiyesi» teripidin bérilidighan eng nopuzluq mukapatlarning biri hésablinidu.



مۇناسىۋەتلىك خەۋەرلەر