фугаку дунйадики әң тез компйутери болди
йапонийәдә йасалған дәриҗидин ташқири фугаку компйутери TOP500 тизимликидә дунйадики әң тез компйутер болуп баһаланди.
түркийә авази радийоси хәвири: йапонийәдә йасалған дәриҗидин ташқири фугаку «Fugaku» компйутери секунтиға 440 һәссә тирилийондин көп учурни бир тәрәп қилиш сүрити билән, йәнә бир қетим TOP500 тизимликидә дунйадики әң тез компйутер болуп баһаланди.
йилда икки қетим йеңилинидиған дунйадики әң тез дәриҗидин ташқири компйутер таллинидиған TOP500 дә, йапонийәниң фугаку компйутери биринчилик орнини қолдин берип қоймиди.
фугаку тәхминән 442010 терафлоп тезлики билән әң күчлүк рәқиби америка компйутери саммит (Summit) тин үч һәссә артуқ һесаблаш вә учурни әң тез бир тәрәп қилиш алаһидилики билән рәһбәрлик орнини сақлап қалди.
електрон магнати фуҗитсу қоллиған фугако дәриҗидин ташқири компйутери, коби шәһиридики рикагаку тәтқиқат иниститути (RIKEN) тәрипидин ишлитилиду.
рикагаку тәтқиқат иниститутиниң директорлиридин матсука сатоси фугакуниң йәнә бир қетим йуқири иқтидарини намайан қилғанлиқини вә дәриҗидин ташқири компйутерниң карбонсизлишиш паалийәтлиридә ишлитишни нишан қилғанлиқлирини билдүрди.
фугаку йапончида «байлиқ чоққиси» дегән мәнини билдүриду.
