almutada türkiye filimliri féstiwali heptisi ötküzüldi
qazaqistanning medeniyet paytexti almutada 6-qétimliq türkiye filimliri féstiwali heptisi kino-filim heweskarlirining qizghin alqishigha érishti.
türkiye awazi radiyosi xewiri: türkiye medeniyet we sayahet ishliri ministirliqining küch chiqirishi we türkiyening almutadiki konsolxanisining qollishi bilen <<yerlik chüshenche jemiyiti>> teripidin ötküzülgen 6-qétimliq türkiye filimliri heptisining échilishi, almutadiki arman kino zalida <<7-kamirdiki möjize>> filimining qoyulushi bilen bashlandi.
paaliyet wesilisi bilen, türkiyelik artislar heweskarliri bilen körüshti.
türkiye filimliri heptiside, dangliq rézhissorlarning mukapatqa érishken eserliri qoyulidu. filim körsitish axirlashqandin kéyin, senetchiler bilen tamashibinlar özara körüshidu.
qérindash döletler arisida kino-filimning küchige tayanghan bir köwrük berpa qilishni nishan qilghan türkiye filimliri heptisi, 31-öktebir (2021) giche dawamlishidu.
