йавропа модернаниң үчинчи шишә ваксинасини әмләшни тәвсийә қилди
йавропа дора агентлиқи (EMA) модерна ширкити тәтқиқ қилип йасиған вухән вируси (Kovid-19) ваксинасиниң үчинчи шишисини 18 йаштин чоң кишиләргә әмләшни тәвсийә қилди.
түркийә авази радийоси хәвири: йавропа дора агентлиқи <<Spikevax>> намлиқ ваксинаниң иккинчи шишиси әмлинип аридин 8-6 өткәндин кейин, толуқлаш үчүн әмләнгән үчинчи шишә ваксинаниң, антетиласи төвәнлигән кишиләрдә антетила сәвийәсини йуқирилитидиғанлиқини елан қилди.
байанатта, үчинчи шишә ваксинаниң илгирики ваксина миқдариниң йеримигичә болидиғанлиқи؛ үчинчи шишә ваксинаниң әкс тәсириниң, иккинчи шишә ваксинадин кейин көрүлгән әһваллар билән охшаш болидиғанлиқи әскәртилди.
йавропа дора агентлиқи мушу ай (өктәбир) ниң бешида файзер-бийонтек ширкәтлири тәтқиқ қилип йасиған вухән вируси ваксинасиниң үчинчи шишисини 18 йаштин чоң кишиләргә әмләшни тәвсийә қилған иди.
йавропа дора агентлиқиниң қарарлири йавропа иттипақиға әза дөләтләр үчүн тәвсийә хусусийитигә игә. йавропа иттипақи әзалири ваксина әмләшни өзлири қарар қилиду.
